A reforma de RTVE coa que o PP se asegura o seu control inclúe a redución dun dos representantes sindicais no Consello de Administración do ente. No BOE de hoxe.
Fálase
-
Máis de oitenta millonarios estadounidenses únense á iniciativa Giving pledge, a través da cal se comprometen a donar cando menos a metade das súas fortunas a "causas filantrópicas"
Rematou a Liga regular na LEB Prata e comezan os playoffs de ascenso á LEB Ouro. Os dous equipos galegos loitarán polo ascenso: o Aguas de Sousas Ourense, que foi 2º no campeonato regular, enfrontarase ao Lan Mobel ISB, de Azpeitia; pola súa parte, o Leyma Natura Basquet Coruña xogará contra o Aurteneche Maquinaria Araba. As eliminatorias dispútanse ao mellor de 3 partidos e os dous equipos galegos teñen a vantaxe de campo en caso de que sexa necesario o desempate. A serie comeza o próximo martes, día 24, na Coruña ás 20:30 e en Ourense ás 21h. Se os dous equipos galegos se clasifican, loitarán entre si por unha praza na final.
O Goberno central non impulsará medida ningunha para incrementar a información á cidadanía sobre a Casa Real nin prevé incluíla na Lei de Transparencia que está a tramitar. En El País.
Está a piques de comezar Amores Prohibidos 2.0, unha obra de teatro moi real protagonizada por alumnos de Secundaria. Nun informativo especial, resumen o que levan feito ata agora.
O Consello Galego da Competencia ábrelle un expediente ao Colexio Oficial de Arquitectos de Galicia por "posibles prácticas restritivas da competencia". A Xunta informa de que se investiga o COAG por "impoñer aos arquitectos requisitos que restrinxes as posibilidades de seren inscritos nas listas de peritos".
O Breogán, a un paso dos play off para loitar polo ascenso á ACB despois de gañarlle ao Granada por 63 a 80. O Obradoiro xoga esta tarde contra o Gran Canaria.
O PSOE difunde un vídeo a través da súa web no que, baixo o lema "van por todo" recompilan declaracións de dirixentes do PP negando medidas de recorte que agora está a aplicar o Goberno central.
O director xeral de Migracións do Estado, o ex conselleiro de Emigración Aurelio Miras Portugal, anuncia unha suba das pensións asistenciais para os españois residentes na Arxentina. A poucos meses das eleccións autonómicas, ante os emigrantes avoga tamén por unha reforma legal que lles facilite de novo a posibilidade de votar. En España Exterior.
O control de RTVE decidido polo Goberno central figura en boa parte das portadas dos diarios impresos. Os afíns ao Executivo falan de fin do "desbloqueo", mentres que outros como o catalán Ara aseguran que Rajoy "queda con RTVE"
