A Deputación de Lugo anunciará esta mañá "novidades" a respecto do legado de Álvaro Gil, a colección artística que inclúe valiosas pezas como o torques de Burela e que a familia do doador retirou do Museo Provincial lucense o pasado outubro. Besteiro e o deputado de Cultura, Mario Outeiro, anunciaranas en rolda de prensa ás 11:45.
A Policía impídelle ao fotógrafo Pedro Armestre, último premio Rey de España de Xornalismo, cubrir a coroación de Felipe de Borbón. Alegan razóns de "seguridade". En El Diario.
A Xunta non celebrará hoxe a reunión semanal do Consello por atoparse o presidente na coroación de Felipe VI en Madrid.
Imputado o alcalde de Coristanco (PP) por presunta malversación, prevaricación e tráfico de influencias. A xuíza sospeita de irregularidades na contratación de obras e en compras do Concello. En Faro de Vigo
Felipe de Borbón é Xefe do Estado dende a pasada medianoite, coa publicación no BOE da lei que o converte en rei de España.
A asemblea de traballadores de Urbaser en Lugo aceptou recoller o lixo acumulado nos puntos que foron declarados de risco sanitario, 74 en toda a cidade. Con todo, a folga mantense. O Concello ameazou esta mañá con botar man da Unidade Militar de Emerxencia.
Os 18 debuxantes e colaboradores que abandonaron El Jueves pola censura á portada dedicada á Monarquía presentan nestes momentos Orgullo y Satisfacción, centrada no seu primeiro número na proclamación de Felipe VI. Nas súas primeiras horas vendeu máis de 15 mil exemplares. Pódese seguir a presentación en directo
Juan Carlos asina a súa abdicación como rei de España, que será efectiva tras a súa publicación no BOE esta medianoite.
O Concello de Lugo deulle a Urbaser un prazo de dúas horas para que inicie a recollida do lixo acumulado nas rúas da cidade, despois de nove días de folga, xa que asegura que os efectivos de Tragsa "non son necesarios". En caso contrario, ameaza con botar man da Unidade Militar de Emerxencia. Tamén lle dá a Urbaser un prazo de cinco días para que a empresa cumpra os servicios mínimos, e, de non ser así, "iniciarase un expediente de caducidade da concesión"
O deputado socialista Joan Ignasi Elena, líder da corrente Avancem, deixa o PSC. Aínda non confirmou se pasará ao grupo mixto ou se abandonará o seu escano.