Na Segunda B, vitorias do Racing de Ferrol ante o Lealtad (3-1) e do Somozas ante o Izarra (0-1). Derrota do Coruxo (1-2) ante o Tudelano. O Pontevedra empatou (0-0) ante o Sporting B. O Racing é líder e o Pontevedra ocupa a cuarta posición.
Fálase
Remata a xornada na Terceira galega. Barbadás (27), Rápido de Bouzas (27) e Cerceda (26) lideran a clasificación.
Silva 3-1 Deportivo B
Galicia Mugardos 3-2 Racing Vilalbés
Ordes 3-1 Noia
Verín 2-0 Alondras
Barbadás 4-1 Barco
Negreira 0-2 Cerceda
As Pontes 2-0 Ribadeo
Boiro 0-0 Arousa
Ribadumia 1-2 Rápido de Bouzas
Choco 0-0 BergantiñosPoden verse en youtube varios vídeos que recollen o momento en que no estadio de Riazor os afeccionados de Depor e Celta cantaron o himno galego
Eagles of Death Metal relatan nunha entrevista concedida a Vice os detalles do sucedido no interior da Sala Bataclan, onde a banda actuaba esa noite
As mulleres superan por vez primeira os homes en subdireccións e xefaturas de servizo da administración autonómica, os postos de maior nivel na carreira funcionarial, segundo os últimos datos oficiais recompilados pola Dirección Xeral da Función Pública. Sete de cada dez persoas que prestan servizo na Xunta de Galicia son mulleres.
En Marea e Nós-Candidatura Galega celebran este domingo senllos actos de precampaña. A lista apoiada por Podemos, Anova, EU e as mareas municipalistas presenta os seus candidatos e candidatas dende as 11 horas en Compostela. A candidatura impulsada polo BNG organiza ás 12 horas un Encontro Nacional Aberto. Toda a información, ao longo do día en Praza.
As previsións económicas da Autoridade Portuaria da Coruña falan de perdas constantes ata o ano 2019, que só esperan maquillar coa privatización dos terreos do porto interior, pola que obterían 25 millóns de euros. En 2016 a súa débeda ascenderá a 309 millóns de euros. La Opinión pide este domingo nun editorial que a posible venda do espazo dos peiraos se faga "sen especulación" e sen "hipotecar o futuro" da cidade
Catro mil persoas solicitaron xa o seu cambio a Povisa como hospital de referencia, segundo as cifras do propio centro privado, e a pesar dos chamamentos das plataformas en defensa da sanidade pública, que lembras as eivas deste hospital.
O poeta Carlos Oroza morre en Vigo aos 92 anos. Con sete poemarios publicados, libertario e adscrito nos seus inicios ao movemento beat, foi en ocasións definido como "o Allen Ginsberg español"
A enquisa de Sondaxe para La Voz destaca que Ciudadanos sería a segunda forza en intención de voto directa de cara ás eleccións xerais en Galicia. O partido de Albert Rivera obtería o 15,2% dos votos, por detrás do PP (27,3%) e por diante de En Marea (12,1%), PSOE (10,6%) e BNG (3%).