Dilma Rousseff, apartada definitivamente da presidencia do Brasil. Michel Tener continuará á fronte do goberno logo de triunfar o impeachment no Senado por 61 votos a favor.
Fálase
-
Touradas fóra de Pontevedra reclama un ano máis a supresión do convenio (de 38 mil euros) que o Concello mantén cos propietarios da praza de touros da cidade, xustificado para a utilización do recinto durante a Feira Franca, que se celebra este 2 e 3 de setembro. Son "recursos que axudan a manter un negocio [as touradas] que non se sustentaría se tivese que vivir en exclusiva do movemento económico que xera"
O Colexio de Xornalistas ofrécese a organizar un debate entre os/as candidatos/as que optan á presidencia da Xunta. O CPXG poñerase en breve en contacto coas oficinas das distintas forzas para materializar a proposta e fixar un lugar e día para celebrar o encontro.
Comeza a súa intervención no pleno de investidura Alexandra Fernández, voceira de En Marea no Congreso. Carga a partes iguais contra Rajoy e Feijoo e destaca que o presidente da Xunta é “un alumno avantaxado no cumprimento dos dogmas neoliberais” e “o campión dos recortes”, citando os problemas da sanidade viguesa ou as deficiencias na xestión do monte e na loita contra o lume. Engade que o PP "corrompeuse por riba das súas posibilidades"
Pablo Iglesias dálle as grazas a Pedro Sánchez por non facilitar un goberno do PP e anímao a "decidirse" e apostar por unha alternativa. "Sabemos que é difícil pero estamos dispostos a intentalo", di Iglesias, "como fixemos en moitas comunidades e concellos e como moi pronto espero que o fagamos en Galicia".
Na súa intervención, Pablo Iglesias dirixiuse a Rajoy sinalando que "ata a vostede o escandalizaron prácticas do seu partido en Galicia, onde levan de candidato ao amigo dun narcotraficante". Noutro momento do discurso, enumerando casos de corrupción do PP, o líder de Podemos referiuse tamén a Baltar.
En Marea publica un vídeo coa achega de Luís Villares ao debate de investidura: “Vouvos contar un segredo... O PP e Ciudadanos non suman! Que clase de circo é este?"
Mariano Rajoy inicia a súa resposta á dura réplica de Pedro Sánchez, na que o socialista pechou calquera porta á posibilidade de deixar gobernar ao PP. Sánchez criticou a "chantaxe" que supón o calendario fixado para a investidura, que podería levar a unhas terceiras eleccións no 25 de decembro.
Neste momento comeza a intervención de Pedro Sánchez, na segunda xornada da sesión de investidura. Sánchez inicia o seu discurso reiterando o seu non a Rajoy. A votación está prevista para ao redor das 19 horas.
Ordes celebrará este mércores (ás 20 horas) un pleno no que se debaterá a posición do Concello ante o proxecto de construción na parroquia de Lesta dun novo vertedoiro de Sogama. O Goberno local impulsará un consenso unánime en contra desta iniciativa “que non corresponde coa política medioambiental nin co modelo de desenvolvemento económico que queremos para Ordes”. “As nosas prioridades pasan pola preservación e mellora do noso entorno rural”, engade o alcalde José Luis Martínez Sanjurjo