A CIG convoca este venres ao mediodía concentracións contra o rescate bancario. Serán ás 12 horas na Coruña (diante do edificio do Banco de España), Compostela (Praza de Galicia), Vigo (no cruce de Colón con García Barbón), Pontevedra (rúa Rosalía de Castro), Burela (diante da oficina de Bankia). En Ourense (rúa Diagonal) será ás 11.30. En Ferrol (Praza de España) ás 11.45. E no Barco ás 20 horas, diante do Concello.
Fálase
O Presidente da Deputación de Lugo, José Ramón Gómez Besteiro, asegura que o anuncio do BNG, denunciado polo PP, foi pagado polo Bloque e non con fondos do ente provincial. "Demóstrase que esas cuestións que formula o PP, asegurando que se abonou con cartos públicos, son totalmente falsas", di.
Amancio Ortega xa é o home máis rico de Europa, superando ao propietario de IKEA. Bloomberg calcula que o fundador de Inditex posúe 31.409 millóns de euros.
Rajoy reúnese en gabinete de crise con Santamaría, De Guindos e Montoro ante a escalada da prima de risco e dos tipos de xuro da débeda española. En El Periódico de Catalunya.
#consellodaxunta O presidente da Xunta asegura non ter "ningunha información" a respecto dunha posible liquidación de Novagalicia Banco. "Antes había un goberno que non xeraba confianza, agora hai un goberno que ten 100.000 millóns de euros para a reestruturación bancaria", resolve Alberto Núñez Feijóo.
#consellodaxunta O Goberno galego aprobará un "protocolo para regular a colaboración" coas deputacións, que "evitará duplicidades" e servirá como "guía de relación permanente", di Feijóo.
#consellodaxunta O Goberno galego inicia a tramitación da Lei de Universidades
#consellodaxunta José Luis Mira deixa a dirección xeral de Educación para ser agregado en materia educativa da embaixada de España en Bélxica. O seu número dous, Manuel Corredoira, ocupará o posto.
#consellodaxunta Convenio de 37,6 millóns de euros para a depuradora de Cabo Prioriño, en Ferrol, que se ocupará do saneamento da marxe dereita da ría
Vilaweb explica que pasa se pecha o meu banco. Conta que o Fondo de Garantía de Depósitos asegura até 100 mil euros en depósitos por persoa, pero non protexe fondos de investimento, renda fixa ou accións.