#consellodaxunta José Luis Mira deixa a dirección xeral de Educación para ser agregado en materia educativa da embaixada de España en Bélxica. O seu número dous, Manuel Corredoira, ocupará o posto.
Fálase
#consellodaxunta Convenio de 37,6 millóns de euros para a depuradora de Cabo Prioriño, en Ferrol, que se ocupará do saneamento da marxe dereita da ría
Vilaweb explica que pasa se pecha o meu banco. Conta que o Fondo de Garantía de Depósitos asegura até 100 mil euros en depósitos por persoa, pero non protexe fondos de investimento, renda fixa ou accións.
@15MpaRato entrega a #QuerellaParato contra Rodrigo Rato e os ex responsables de Bankia. Nestes momentos ofrece unha rolda de prensa en Madrid.
A prima de risco e os bonos españois seguen en máximos tras deixar a axencia Moody's a débeda soberana ao borde do bono lixo. En El País. A prima mantense por riba dos 540 puntos e a rendibilidade roza o 7%, un nivel considerado "inasumible" hai uns meses.
A organización do Festigal avanza que na súa edición de 2012, que se volverá celebrar durante o 24 e o 25 de xullo no Campus Sur de Compostela, contarán coas actuacións dos galegos Ataque Escampe e dos franceses La Phace.
Merkel asegura que a crise española é froito "dunha década irresponsable" no Estado, pero cre que as medidas tomadas por Mariano Rajoy son "valentes".
Os mineiros volven cortar o tráfico en varias estradas de Asturias. Trátase da autopista AS-1, á altura de Siero, a AS-116, en Langreo, e a Nacional 630, en Santolaya de Morcín. Ademais, un home resultou ferido cun golpe na cabeza tras bater o tren no que viaxaba cuns troncos situados na vía.
The Guardian critica os poderosos armadores gregos, que controlan o 15% do comercio marítimo mundial, e que nos últimos meses se dedicaron a sacar do país as súas fortunas.
Segundo ARA, Eurovegas "afástase de Madrid". Cita fontes dos promotores do proxecto, que aseguran que, de facerse en España, sería en Catalunya.