#CMin O Consello de Ministros aproba o plan hidrolóxico da bacía Galicia-Costa
Fálase
De Guindos anuncia un novo paquete de recortes. Esas "importantes" reformas faranse públicas nos vindeiros días, di o ministro de Economía. En El Economista
Os prezos da vivenda experimentaron no último trimestre o seu descenso máis importante dende 2007. En Galicia, os prezos caeron un 12,7% no último ano, mentres que no conxunto do Estado o descenso foi do 14,4%, segundo datos do INE. A burbulla inmobiliaria comeza a desincharse, o que tamén pode ter influencia nas decisións que adopten os xestores do futuro banco malo que porá no mercado a bolsa de vivendas e terreos sen vender en mans das entidades bancarias.
EQUO Galicia manifesta a súa disposición a incluir no seu programa e defender as propostas do Programa pola Terra que este mércores presentaron en Ourense ADEGA, Amigos da Terra, CEMMA, FEG e SGHN
#CMin O Goberno central dá os primeiros pasos para instaurar a cadea perpetua revisable
O PPdeG emprega en Twitter o topónimo deturpado La Coruña para reproducir un titular de prensa que se referira á cidade como "Coruña", sen artigo
A militancia de Esquerda Unida dálle un apoio do 80% á coalición con Anova, rexistrada coa denominación Alternativa Galega de Esquerda
Tras ser 'rescatada' pola Xunta, a Fundación Camilo José Cela pasa a formar parte da estrutura orgánica da Consellería de Cultura e Educación.
O primeiro ministro escocés Alex Salmond afirma que en 2013 publicará un libro branco coas "informacións confidenciais" que nos últimos meses lle permitiron asegurar que unha Escocia independente se converteria automaticamente nun membro máis da UE.
The Guardian publica unha completa reportaxe sobre os erros, enganos e plaxios na investigación cientifica, cada vez máis á vista, como amosa un estudo da revista Nature que afirma que as retractacións nas publicacións cientificas aumentaron un 1.200% na última década.
