Unha concentración de ultras obriga a pechar o pavillón da asemblea pro-referendo convocada por Unidos Podemos. Asistentes aseguran que a policía non ten efectivos dabondo para garantir a seguridade porque moitos están en Catalunya.
Fálase
-
Centos de ultras rodean o pavillón onde se celebra a asemblea pro-referendo organizada por Unidos Podemos e pechan a saída aos seus participantes. Vídeo de @tone_corunha.
Activada a situación de alerta en Viana do Bolo por un incendio achegado ás casas. O foco permanece activo na parroquia de Tabazoa de Umoso desde a noite do sábado.
Comeza en Zaragoza a #Asamblea24S a prol dun referendo pactado coa presenza dos alcaldes da Coruña, Compostela e Ferrol e diferentes cargos públicos e de diferentes formacións.
A Xunta leva as navieiras das Cíes á Fiscalía por estafa e falsidade documental. O Goberno galego remítelle un informe da sobrevenda de billetes que reflicte tickets falsos ou cancelacións ficticias. Adiántao Faro de Vigo.
Feijóo mantería a súa maioría absoluta pero perdería un escano a favor de En Marea, segundo unha enquisa para La Voz de Galicia.
Feijóo carga contra o separatismo por "dividir a sociedade" mediante "unha tricheira ficticia" e volver pór Galicia como exemplo de estabilidade.
O Estado toma o control dos Mossos d'Esquadra, segundo adianta El Periódico. O fiscal superior de Cataluya convoca unha xuntanza cos mandos das forzas de seguridade para advertirlles que todos os corpos estarán coordinador baixo un "mando único" do Ministerio de Interior.
Puigdemont difunde un novo enlace cos locais de votación para o 1-O. Faino despois de que o TSJC instase a deshabilitar o link difundido anteriormente.
O Estado condiciona a titularidade pública dos peiraos á viabilidade do Porto da Coruña. O Goberno de Rajoy defende no Congreso que a estabilidade económica-financeira da Autoridade Portuaria é "prioritaria", sen concretar se axudará a asumir a súa millonaria débeda.