A produción leiteira en Galicia redúcese ao eu nivel máis baixo na última década. En setembro -o mes no que se levaron a cabo as tractoradas- entregáronse 187 millóns de litros de leite, 30 millóns de litros menos que en agosto.
Fálase
Un avión ruso con 224 pasaxeiros estrélase en Exipto. Os radares perderon contacto con el pouco despois das sete da mañá.
Tralas xuntanzas mantidas na moncloa con Pablo Iglesias e Albert Rivera, Mariano Rajoy dá por feito un pacto entre PP, PSOE e Ciudadanos "a favor da unidade de España, da soberanía nacional e da igualdade de dereitos de todos". Marca diferenzas con Podemos, que pide un dobre referéndum simultáneo: un de autodeterminación en Catalunya e outro no conxunto de España para reformar a Constitución.
Os votos contrarios de PP e PAR e a abstención de Ciudadanos impiden en Calayatud a retirada de medalla de ouro da cidade a Franco.
Separados do tribunal que xulgará o caso Gürtel os xuíces recusados por proximidade ao PP, Enrique López e Concepción Espegel. Está a contalo eldiario.es
Partido Popular e Converxencia Galega presentarán unha moción de censura no Concello de Oia para substituír á actual alcaldesa Rosa Otero (PSdeG-PSOE).
Declarado de alto risco o encontro dentre o Deportivo e o Atlético de Madrid, que se xoga este venres na Coruña. O encontro, que inicialmente non ía ter esta consideración é o primeiro entre ambos equipos tras o asasinato en Madrid de Jimmy, siareiro deportivista, e chega despois de que as persoas acusadas pola súa morte quedasen en liberdade.
O PPdeG anuncia a presentación nos concellos de mocións "en defensa do Estado das Autonomías fronte ao separatismo". A intención, di o seu voceiro, Miguel Tellado, é que "cada grupo teña a oportunidade de posicionarse, ben cos que defenden a unidade de España, ou ben cos que iniciaron o camiño do separatismo, como son Artur Mas, Oriol Junqueras e o resto de dirixentes da CUP".
As nove persoas detidas este venres en varios puntos de Galicia pertencen á formación política Causa Galiza. Un comunicado do Ministerio do Interior indica que se lles atribúe "diversos actos de enaltecimiento del terrorismo, entre ellos la organización del "Dia da Galiza Combatente".
A segunda análise confirma o diagnóstico negativo para ébola no paciente do que o pasado martes se pensou que podía ter esta enfermidade. Queda desactivado o protocolo preventivo que iniciara o Sergas. O mozo, que continúa ingresado no Meixoeiro de Vigo, ten malaria e xa o pasado mércores comezou a recibir tratamento.