O Superior dá seis meses ao Concello da Coruña para aprobar o proxecto de derruba do edificio Conde de Fenosa. O TSXG rexeita a petición de suspender a sentenza mentres non se pronuncie o Constitucional.
Fálase
Os reitores galegos exixen que as taxas de máster se igualen ás de grao e aseguran que as carreiras en Galicia manterán a súa homoxeneidade tras a polémica reforma que coinciden en criticar.
O CIS publícase hoxe e confirmará o afundimento do PSOE, que non superaría o 20% de votos e quedaría como terceira forza no Estado.
A UE negocia ás agachadas que os sistemas de saúde paguen tratamentos privados no estranxeiro. Un documento do TISA propón o trasvase de financiamento estatal a empresas médicas doutro Estado.
4gotas detalla as zonas de Galicia nas que vai nevar entre a noite do martes e a mañá do mércores. Haberá neve en case todo o país agás nos puntos máis próximos ao litoral, prevén.
A Xunta volve deixar nas mans de cada centro escolar a responsabilidade de suspender ou non as clases pola alerta meteorolóxica. Como o pasado ano, Educación sinala que, ante a alerta por nevaradas prevista para mañá, as direccións dos centros "poderán adoptar as decisións oportunas" se perciben "risco".
A Radio Galega entrevista Anxo Lugilde pola súa distinción co Premio Puro Cora e aborda tamén a publicación de 'De Beiras a Podemos. A política galega nos tempos da troika 2012-2014', que edita Praza Pública en colaboración con Meubook.
A Mesa do Parlamento reduce as intervencións e iniciativas de AGE e BNG nos plenos. A información, esta tarde en Praza
A Fundación Cidade da Cultura achegou 6.000 euros para "asociar" a súa "imaxe" coa do CAB Obradoiro. O convenio co club de baloncesto inclúe "un paquete de patrocinio deseñado á súa medida".
Anxo Lugilde gaña o Premio Puro Cora de xornalismo, que organiza o Grupo El Progreso. O xornalista, politólogo e doutor en Historia é o autor de De Beiras a Podemos. A política galega nos tempos da troika, editado por Praza Pública e Meubook.