Xunta e Concello da Coruña asumiron indemnizar o Porto se freaban a urbanización do peirao. O convenio asinado por Vázquez obriga a compensar o ente portuario se non se reordena o porto para facilitar a venda dos terreos.
Fálase
-
Vinte responsables de festivais audiovisuais galegos, convocados pola Academia Galega do Audiovisual, acordaron este martes en Santiago crear unha coordinadora que se constitúa en voz única ante as administracións, sirva para o apoio técnico e xurídico mutuo e estableza un calendario de festivais.
A corrupción da trama Púnica pon a proba o pacto de Cristina Cifuentes con Ciudadanos na asemblea de Madrid. Un dos principais imputados sinala ante o xuíz a implicación na trama dun conselleiro, doutro deputado, dun terceiro cargo electo que renunciou e dunha parlamentaria do partido de Albert Rivera
A designación de Xavier García Albiol como candidato do PP ás eleccións ao Parlamento catalán espertou críticas unánimes nas últimas horas entre asrestantes forzas políticas polo perfil xenófobo do ex alcalde de Badalona.
Inspeccionadas máis empresas galegas por pesca ilegal. É a segunda fase dunha operación que xa imputou infraccións moi graves a catro buques.
A Marea Atlántica rexeita a proposta organizativa de PSOE e BNG na Deputación da Coruña. A plataforma considera que "se están a duplicar funcións" e que "semella que se queren conformar dous gobernos".
O MUNCYT escolleu 27 mulleres que xogaron un papel fundamental na historia da investigación científica, entre elas Jimena Fernández de la Vega e Ángeles Alvariño.
O 60% dos contratos de ministerios en 2014 adxudicáronse sen concurso, vía negociado, e gran maioría sen publicidade, segundo destaca o avance do informe ¿Quién cobra la obra?, realizado pola Fundación Civio. A investigación, que se publicará integramente no outono, foi financiada cunha campaña de microachegas. Despois do verán ofrecerá tamén datos sobre os contratos das comunidades autónomas e administracións locais.
O PP lanza a web CumPPlimos, na que asegura ter levado a cabo o 92,5% do seu programa. Foi de inmediato contestada nas redes con imitacións en ton de burla, memes e outras críticas.
Turquía busca o aval da OTAN á ofensiva militar que iniciou hai uns días contra o Estado Islámico pero tamén contra o PKK kurdo, que loita contra o EI.