Temperaturas en descenso en Galicia e ceos anubrados pola mañá neste segundo luns de xullo. As temperaturas volverán ascender a partir do mércores
Fálase
-
eldiario.es destaca que a Operación Cataluña "resucita para volverse contra o Goberno". A Fiscalía Xeral do Estado anunciará nos vindeiros días se abre unha investigación pola gravación a Fernández Díaz. Tamén afondará na cuestión unha comisión de investigación do Congreso
A Iniciativa Galega pola Memoria organiza o vindeiro domingo 17 de xullo a homenaxe nacional ás vítimas do franquismo, que se celebrará como é habitual na Illa de San Simón.
Obama amosa o seu apoio á política económica realizada polo Goberno de Rajoy, tras unha xuntanza de 45 minutos entre os dous líderes. O encontro do presidente norteamericano con Sánchez, Iglesias e Rivera reduciuse a tres minutos por cabeza
Unha ducia de mozos e mozas iniciaron este sábado nunha marcha ciclista entre A Coruña e Ortigueira, impulsada por Greenpeace, que busca denunciar os efectos dos tratados comerciais TTIP e CETA nas distintas localidades que atravesrá. A campaña rematará na vila do Ortegal coincidindo coa celebración do Festival Internacional de Música Celta
Obama continúa coa súa visita oficial, destacando a "importancia" de manter unha "alianza forte" con España. Recorda que a primeira vez que visitou o país foi "con mochila". Greenpeace desprega un cartel contra o TTIP no centro de Madrid
CDC muda o seu nome a Partit Demòcrata Català, nome escollido pola súa militancia por diante de Partit Nacional e Junts per Catalunya
El País afirma que o PSOE revisará o seu non a Rajoy se roza a maioría absoluta con outros grupos. O xornal sinala que os socialistas critican que o PP non negociara aínda o apoio de Ciudadanos.
A Fiscalía pide un ano de prisión para Louzán por un delito de aceptación de suborno. Tamén pide que a esposa de Louzán, Teresa Cores, cumpra nove meses de prisión como cooperadora necesaria e o ex deputado do PP Severino Reguera, un ano por suborno impropio
Iron Maiden foron as grandes estrelas da xornada do sábado do Resurrection Fest, á que asistiron máis de 22 mil persoas