Besteiro anuncia un comité extraordinario en febreiro para fixar a data das primarias tras un tenso comité nacional do PSdeG no que os críticos pediron explicacións polos malos resultados das xerais. Máis información, hoxe en Praza.
Fálase
-
Un documento asinado por cinco ministros pide a Rajoy que marche para que o PP poida gobernar. Sáenz de Santamaría sería a impulsora do texto, aínda que non unha das asinantes, segundo conta La Información.
Galicia pechou o ano con 2.500 dependentes atendidos máis e 12.000 leves aínda en espera. Os beneficiarios elévanse a 41.500, a cifra máis alta até o de agora.
A CUP aceptaría facer dimitir algúns dos seus deputados se Mas dá un paso atrás. Junts pel Sí e a formación de esquerda volveranse a reunir hoxe na última oportunidade para evitar novas eleccións.
Albert Rivera acusa os "deputados de Podemos" de propor "a secesión de Galicia". O líder de Ciudadanos rexeita que En Marea forme grupo propio e cre que "non haberá igualdade sen proxecto común".
Feijóo insiste en que esgotará a lexislatura pero non aclara se optará a un terceiro mandato. "Se antes das xerais non había razón ningunha para variar o calendario das galegas, despois das xerais hai moitas menos razóns para renunciar a estabilidade política que ten Galicia", di.
Susana Díaz dá o seu "apoio" a Sánchez para conformar unha "alternativa" sempre que os posibles socios renuncien ao dereito a decidir. A presidenta de Andalucía di que o debate sobre a secretaría do PSOE "non toca".
O Concello da Coruña prohíbe ao Porto construír as dúas cafeterías previstas na Mariña. Alega que os dous locais incumpren a normativa ao ocuparen espazos libres.
O Sergas disparou en 308 millóns o gasto previsto en nóminas e fármacos en 2014. O gasto final en Sanidade aumentouse case un 10%.
Junts pel Sí e a CUP seguen sen chegar a acordo e continuarán negociando hoxe. Ambas as dúas formacións manteñen as súas posturas.