Albert Rivera acusa os "deputados de Podemos" de propor "a secesión de Galicia". O líder de Ciudadanos rexeita que En Marea forme grupo propio e cre que "non haberá igualdade sen proxecto común".
Fálase
Feijóo insiste en que esgotará a lexislatura pero non aclara se optará a un terceiro mandato. "Se antes das xerais non había razón ningunha para variar o calendario das galegas, despois das xerais hai moitas menos razóns para renunciar a estabilidade política que ten Galicia", di.
Susana Díaz dá o seu "apoio" a Sánchez para conformar unha "alternativa" sempre que os posibles socios renuncien ao dereito a decidir. A presidenta de Andalucía di que o debate sobre a secretaría do PSOE "non toca".
O Concello da Coruña prohíbe ao Porto construír as dúas cafeterías previstas na Mariña. Alega que os dous locais incumpren a normativa ao ocuparen espazos libres.
O Sergas disparou en 308 millóns o gasto previsto en nóminas e fármacos en 2014. O gasto final en Sanidade aumentouse case un 10%.
Junts pel Sí e a CUP seguen sen chegar a acordo e continuarán negociando hoxe. Ambas as dúas formacións manteñen as súas posturas.
Un xulgado de Ourense absolve a exconcelleira de Urbanismo da cidade, Áurea Soto (PSdeG), das acusacións de prevaricación. O caso partiu dunha denuncia de Democracia Ourensana a respecto dunhas licenzas para edificios e un aparcaodiro na praza de San Antonio e a fiscalía chegou a pedir 10 anos de inhabilitación.
Rivera admite agora que as súas posturas sobre violencia machista lastraron a campaña de Ciudadanos.
O novo Goberno de Portugal anula as privatizacións dos transportes públicos do Porto e Lisboa. O gabinete de António Costa enmarca a decisión na aposta por reforzar as competencias dos concellos e a redución de emisións contaminantes á atmosfera.
O PP de Santiago acusa o goberno local de "roubar o Nadal" e, de "roubarlles aos nenos a posibilidade de vivir un ambiente tradicional e de ilusión" na cabalgata de reis. O exalcalde Agustín Hernández critica decisións como a celebración dun mercado de Nadal na Praza de Abastos ou a instalación do Belén nunha Igrexa.
