O PP reforza a criminalización da PAH. A tese de Cristina Cifuentes foi subscrita hoxe polo portavoz adxunto do Grupo Popular no Congreso, Rafael Hernando: "o único que fai é alentar unha esquerda radical que favorece e impulsa a violencia e que coqueteou no pasado, e mesmo na actualidade, con outras organizacións próximas ao terrorismo".
Xesús Alonso Montero presenta a súa candidatura a presidir a RAG, logo de que Manuel González xa anunciara a súa intención de optar á presidencia. Na candidatura do catedrático tamén estarían Rosario Álvarez e Torres Queiruga. Máis información, esta tarde en Praza.
Mato anuncia para este ano a carteira de servizos que reformulará as oficinas de emprego. A conselleira de Traballo veno de adiantar no pleno do Parlamento galego.
A Entidade Reguladora da Saúde (ERS) denuncia que varios hospitais públicos portugueses permiten o exercicio da medicina privada nas súas instalacións e pídelle ao Goberno que poña fin a esta situación.
O paro superará o 27% e o PIB caerá un 1,5% no Estado, segundo o Banco de España, que ten unhas previsións máis pesimistas que as do Goberno central.
O PP rexeita que Núñez Feijóo explique no Parlamento as responsabilidades do Goberno no conflito das preferentes. A oposición intentou cambiar a orde do día, pero os populares votaron en contra. O BNG luciu camisetas e cartei en apoio aos preferentistas.
A policía desaloxa os afectados polas preferentes pechados no Concello de Sanxenxo. Mantiñan un encerro por quendas desde hai tres meses. Máis información, nesta mañá en Praza.
O mapa da corrupción en España. La Información analiza o 'top ten' dos casos de corrupción máis importantes no Estado, desde o Nóos ata o dos ERE de Andalucía.
O corralito de Chipre amplíase ata o xoves. Os bancos da illa non abrirán as súas portes mañá, tal e como estaba previsto, senón o día 28.
O pleno de Vilagarcía aproba entre as protestas veciñais as taxas para uso de recintos culturais
