Praza non se actualizará durante as fins de semana de agosto por descanso dos seus traballadores. Pasádeo ben!
![](https://praza.gal/media/cache/live_image/xornal/uploads/falase/foto/52050ace2fe04-cabeceiropraza.jpg)
Praza non se actualizará durante as fins de semana de agosto por descanso dos seus traballadores. Pasádeo ben!
Pontevedra vivirá este sábado varias mobilizacións antitaurinas. Ás 20 horas está convocada unha manifestación na Praza da Peregrina. Ademais, o colectivo Igualdade Animal organiza ás 11.30 horas unha cadea humana que rodeará a Praza de Touros.
Ana Pastor pecha a súa comparecencia respondendo as preguntas dos distintos grupos. Recoñece que había "algunhas interacións" entre o ERTMS e o ASFA e "os técnicos decidiron que mentres non se solucionase había que recorrer ao ASFA". A ministra de Fomento concorda coa necesidade de crear "unha comisión específica que analice como está o sistema e como se pode mellorar". Toda a información, nuns minutos en Praza.
Simancas (PSOE) destaca que "non hai aforro nin présa que pase por riba da seguridade, nin agora nin antes". O voceiro socialista afirma que o obxectivo do seu grupo é "estar coas vítimas, esclarecer as bases do accidente e poñer as bases para que isto non volva ocorrer". Laura Seara (PSdeG-PSOE) reclama "a modernización do ferrocarril e a chegada da alta velocidade a Galicia".
A deputada da Esquerda Plural, Ascensión de las Heras, tamén pide a creación dunha comisión parlamentaria de investigación e denuncia que "a causa non se debe só a un fallo humano, como queren facer ver tanto o actual Goberno coma o anterior". Conclúe que PP e PSOE "fan piña para evitar a súa responsabilidade".
Rosana Pérez critica que a oficina de atención de afectados se instalase en Madrid "a pesar de que a maioría dos afectados son galegos" e conclúe que "o Estado trata a Galicia como menor de idade".
Comeza a intervención na Comisión de Rosana Pérez (BNG), que pide "transparencia" e reclama a creación dunha comisión parlamentaria de investigación. Critica que "houbo presa por culpar o maquinista" e asegura que as comparecencias de onte e hoxe "deixan claro que o treito onde se produciu o accidente non era de Alta Velocidade".
Ana Pastor anuncia que como consecuencia do accidente de Angrois "púxose en marcha un proceso de revisión xeral da seguridad en toda a rede ferroviaria" e e que en base a esta análise se adoptarán decisións. Lanza unha bateria de 19 medidas, entre as que destaca a de "dotar de protección, con secuencias de balizas ASFA, as zonas onde se produce unha importante redución de velocidade" e a de "promover un maior desenvolvemento do ASFA dixital para que conte con maior capacidade de transmisión".
Pastor explica os cambios no ancho da via e no sistema de seguridade. Afirma que no proxecto inicial a liña se propuxo o ancho internacional, pero optouse por montar todo o treito en liña convencional, porque o paso por dous cambiadores de ancho provocaba una atraso "innecesario". Así, cambiouse tamén o sistema de seguridad ERTMS o sistema ASFA
Pastor sinala que o estudo informativo para a liña Ourense-Santiago se iniciou en 1999, con cinco alternativas de trazado, pero todas elas con idéntiva solución para a entrada a Compostela. O proxecto para este treito realizouse en 2009 e recollía a instalación de ERTMS en todo o trazado, segundo a ministra de Fomento.