Fálase

#folgaxeral Os piquetes informativos detallan que o principal centro comercial de Lugo permanece pechado

#folgaxeral Un numeroso piquete informativo da CIG percorre a esta hora o Ensanche de Santiago, no que hai pouca actividade comercial.

#folgaxeral Importante presenza de piquetes no centro comercial Catro Camiños e en El Corte Inglés da Coruña. Imaxe de @XosePepinho

#folgaxeral UGT cifra nun 90% o seguemento da folga a esta hora en Galicia. Por sectores, sitúa nun 100% o paro na recollida do lixo e limpeza viaria e no naval, nun 95% nos transportes, nun 85% na construción e nun 80% no sector agroalimentario e nas conservas.

#folgaxeral Finalmente a facultade de Dereito da USC non pechou as súas portas. Os piquetes informativos na zona aseguran que é a "única" que permanece aberta e que hai "ameaza" de "antidisturbios".

#folgaxeral En Santiago, os piquetes informativos acoden aos campus universitarios. Sinalan que no Campus Norte o paro é case total e no Campus Vida (antigo Campus Sur) están a pechar facultades significativas, como a de Dereito.

#folgaxeral Comeza o pleno no Congreso dos Deputados sen os deputados do BNG, ERC e Izquierda Plural. Entre outros asuntos, debátese a Lei de Estabilidade Orzamentaria. No Parlamento galego hoxe celébranse dúas comisións, ás que só acudirán deputados do PP.

#folgaxeral O cámara da CIG detido en Vigo, xa en liberdade

#folgaxeral Os sindicatos critican a "desproporcionada presenza" policial nas rúas do Estado. "Semella o desembarco de Normandía", denunciou José Javier Cubillo, secretario de Organización e Comunicación de UGT na Cadena Ser.

#folgaxeral En Catalunya tamén a Generalitar informa a través do departamento de Interior. O conseller Felip Puig di que a folga é "un campo de adestramento" para "violentos" de cara á mobilización mundial do 15 de maio.