O BNG convoca un encontro aberto con colectivos sociais no Parlamento para recompilar propostas cara ao debate de política xeral. "Abrimos as portas a un parlamento acuartelado polo PP", afirmou Jorquera na presentación da iniciativa, que inclúe un espazo web para a recolleita de suxestións.
Caballero anuncia a construción dun aparcadoiro público e de balde no novo hospital de Vigo. Avánzao Faro de Vigo
Blanco (PSOE) reclámalle ao comisario europeo de Agricultura incrementar o apoio ao sector lácteo, "singularmente ao galego", ao depender del a "soberanía alimentaria de Europa", e lémbralle á Comisión os seus esforzos cando se tratou de socorrer as empresas bancarias.
Desconvocada a folga do lixo que ía comenzar en Santiago o vindeiro domingo tras acadarse un acordo entre persoal e empresa coa mediación do Concello.
ASAJA Galicia anuncia demandas polo bloqueo ás recollidas de leite. As denuncias diríxense contra a industria pero poderían repercutir nos gandeiros que se mobilizaron, xa que instan a identificar os "responsables" da non recollida. Cóntao Campo Galego
As persoas refuxiadas buscan novas vías de acceso á UE por mor da dura represión de Hungría, cuxa Policía as segue agredindo mentres o seu Goberno pecha as fronteiras con coitelas fabricadas en España.
A investigación do caso Patos investiga amaños de contratos na Xunta, na Deputación de Pontevedra e varios concellos. Cóntao Faro de Vigo tras erguerse o segredo do sumario.
Sogama destina 131 millóns máis a transportar máis lixo en tren. Cóntao La Voz
Desconvocada a folga de entregas e o bloqueo ás industrias no sector lácteo galego. Máis información, hoxe en Praza.
O PP disponse a presentar mocións pola unidade de España en concellos e parlamentos autonómicos. O obxectivo, conta a xornalista María Jesús Güemes na Cadena SER, é presionar e tentar "retratar" o PSOE cara ás eleccións xerais.
