Beiras decántase por que Anova concorra con EU ás eleccións europeas e aclara que xa hai acordo para que Anova leve cabeza de lista e faga campaña propia en Galicia. Faino nun documento remitido á militancia na que acusa "o obstrucionismo sectario do BNG" de "impedir unha fronte galega".
Fálase
A camisola coa bandeira galega será a segunda equipación do Deportivo a vindeira tempada. O club aproveita a visita institucional da nova directiva ao presidente da Xunta para presentar a súa nova equipación en homenaxe a Galicia.
ETA dá "o paso previo ao seu desarme completo" tras deixar parte do seu arsenal "fóra de uso operativo". A banda terrorista selou un zulo en presenza dos verificadores internacionais. A BBC difunde un vídeo sobre o desarme parcial do grupo armado.
Arxentina pide a exhumación dunha vítima do franquismo. A xuíza reclama que a Xustiza española recupere o corpo do pai dunha das querelantes da causa contra o franquismo.
Unha rebelión popular contra a privatización da auga mobiliza unha vila de Ciudad Real. Máis de vinte veciños levan días pechados no Concello para pedir un referendo popular nunha protesta que xa lembra a de Gamonal.
Persoal do Meixoeiro de Vigo protesta con paraugas, chuvasqueiros e lentes de mergullador para chamar a atención sobre as pingueiras e filtracións de auga que sofre o edificio e que xa provocaron o peche de múltiplas camas do hospital.
O presidente ucraíno anuncia un acordo coa oposición e a UE para tentar frear os disturbios que onte provocaron ducias de vítimas. A BBC está a seguir os acontecementos ao vivo.
O Goberno de España chega a un acordo con Marrocos para 'devolver' inmediatamente as persoas que crucen a súa fronteira. En El Diario
La Voz entrevista a Ángel Espadas, ex xefe de gabinete de Conde Roa, quen afirma ser "inocente" aínda que cometese "prácticas pouco éticas" na Pokémon. Nas escoitas telefónicas Espadas dixo ser "un corrupto" polo ex alcalde compostelán.
El País publica o vídeo das cámaras de seguridade do Parlamento que demostra que o suposto atropelo da deputada Beatriz Sestayo a un vixilante "nunca existiu".