Fálase

O 74% dos cataláns reclámanlle a Rajoy que autorice a consulta, segundo publica El Periódico na terceira entrega da súa sondaxe. El Mundo e La Razón publican este domingo senllas enquisas que amosan unha grande igualdade entre o si e o non nun referendo. El Mundo afirma que o 43% dos cataláns votarían si na primeira pregunta (39% en contra), e o 35% si á independencia. As cifras que dá La Razón son máis elevadas (48,2% e 38,8%)

Chile celebra este domingo a segunda volta das eleccións presidenciais. Michelle Bachelet, que acadou o 46% dos votos na primeira volta, é a gran favorita para gañar fronte a Evelyn Matthei.

Centos de persoas, con chuvasqueiros amarelos, reivindicaron esta tarde na Praza do Obradoiro de Compostela o actual itinerario do Camiño Norte. Os peregrinos formaron unha frecha amarela sobre a praza. A Deputación de Lugo presentou alegacións sobre a modificación do trazado proxectada pola Xunta.

O Lugo cae 2-1 ante o Alavés en Mendizorroza. Sandaza marcou no minuto 82 o gol do empate dos lucenses, pero os locais anotaron de novo no 93. O Lugo mantense en postos de promoción de ascenso.

O Sergas prevé xubilar máis de 3.000 médicos, enfermeiros e administrativos até 2017, un de cada dez dos actuais traballadores e traballadoras. No último ano o Goberno impuxo a prohibición de que se cubrisen máis do 10% das baixas.

O 75% dos militantes do SPD apoia gobernar con Merkel, segundo os resultados dunha sondaxe postal levada a cabo polos socialdemócratas.

Os praceiros de Pontedeume abandonaron o seu peche, despois de 42 días de mobilización. O xuíz desestimou as súas alegacións á apertura do mercado.

Alexis Tsipras (Syriza) afirma en Madrid, no Congreso do Partido da Esquerda Europea que o escollerá como candidato común para as eleccións de 2014, que "este é o noso momento, é a derradeira oportunidade para cambiar Europa"

EU admite a incorporación de Carmen Iglesias ao grupo parlamentario de AGE, se a coalición o acepta

Un proxecto rescata a memoria de científicos represaliados polo franquismo. Generaciones de plata destaca a represión exercida contra os médicos