O PP mantense como primeira forza no voto emigrante galego. En Marea foi a segunda forza na Coruña e Pontevedra e o PSOE, en Lugo e Ourense, segundo informa Europa Press. Votaron 11.084 persoas das 23.306 que o solicitaran.
Fálase
Sánchez trasládalle a Rajoy que non o apoiará e aposta por un "goberno de cambio". Cóntao eldiario.es
O maxistrado Fernando Andreu propón xulgar a Rato, Blesa e outros 64 directivos de Caja Madrid e Bankia polo caso das tarxetas black. Segundo o xuíz, "existen indicios fundados de criminalidade"
Pedro Sánchez está a comparecer na sede do PSOE para dar conta do curto encontro que mantivo con Mariano Rajoy en Moncloa. O líder dos socialistas reafirma que o seu partido non vai apoiar a continuidade do PP á fronte do Goberno. Rexeita a convocatoria de novas eleccións e sinala que neste momento é responsabilidade dos populares tentar sumar unha maioría pero que os socialistas van explorar "todas as opcións" para que haxa un goberno de cambio. Propón, ademais, que o PSOE presida o Congreso.
Rivera pide agora unha alianza con PP e PSOE tras asegurar en campaña que non os apoiaría. Recólleo eldiario.es
Varios medios de comunicación avogan por un acordo entre PP, PSOE e Ciudadanos. Nun editorial, El Mundo pide "un pacto por riba dos intereses dos partidos" para permitir que goberne Rajoy, sinalando que "non hai outra alternativa se queremos evitar que España se sumerxa nun escenario de desgoberno e inestabilidade". Expansión leva á súa portada as declaracións de 12 ex ministros e empresarios a prol do acordo.
As Xuntas Electorais provinciais realizarán este mércores o escrutinio definitivo dos comicios do 20D, incluído o voto CERA
Ás 12 horas comeza a xuntanza entre Rajoy e Sánchez na Moncloa, na que o líder dos populares buscará o acordo cos socialistas para poder ser investido presidente. Ofreceralles a presidente do Congreso e pode que do Senado e mesmo -como publica El País- a posibilidade dunha reforma constitucional.
O PSdeG-PSOE sinala que as contas da Xunta para o ano 2016 “non cadran” ao ofrecer ao mesmo tempo menos ingresos e máis gastos. Así o dixo, Juan Carlos González Santín, portavoz de Facenda, no debate final dos orzamentos para o próximo ano, que foron aprobados en solitario polo PP sen admitir ningunha emenda da oposición.
Intercambio de reproches entre PSOE e PP no pleno extraordinario convocado en Vigo para debater as consecuencias da anulación do PXOM. Ambos os dous partidos acusan o outro de ser o responsable do sucedido.
