Rajoy fai o imposible para non responder sobre o aborto. O presidente utiliza fórmulas como "ese asunto" ou "este tema" para non falar directamente sobre a lei máis polémica dos últimos meses. Cualifica a reforma de "equilibrada" e di que vai na liña da de 1985.
A luz subirá un 2,3% en xaneiro, nunha regulación provisional que será revisada á hora de determinar o incremento para o segundo trimestre de 2014
#consellodaxunta Feijóo defende a "lexitimidade" do Goberno central para reformar a lei do aborto. Asegura desexar que saia do trámite parlamentario con "consenso" pero evita expresar a súa opinión, que dará "nas canles do partido", di. Máis información, hoxe en Praza.
TVE gastou máis de 700.000 euros en tertulianos ao longo do ano 2012. Recólleo o Colexio Profesional de Xornalistas de Galicia na súa web.
De Luns a Venres deixa de publicarse definitivamente en papel. O gratuíto do grupo El Progreso xa pasara de diario a semanario o pasado mes de febreiro e agora, afirma a empresa, continuará unicamente como dixital.
As centrais de ciclo combinado para a produción eléctrica a partir do gas natural, e nas que o Goberno gastou máis de 15.000 millóns de euros nos últimos anos, funcionan ao 10% da súa capacidade. Xa se estuda o peche e desmantelamento de varias delas. En Galicia operan dúas delas, en Arteixo e As Pontes.
Un estudo financiado pola UE certifica que os adolescentes usan cada vez menos o Facebook, en beneficio doutras aplicacións, como Twitter, Instagram, Snapchat e WhatsApp.
#consellodaxunta A Xunta declara de emerxencia as obras no santuario do Virxe da Barca
#consellodaxunta A Xunta aproba un ano máis o complemento ás pensións non contributivas, que Feijóo preveu eliminar ao chegar ao Goberno e que agora, asegura, manterá "mentres poidamos"
#consellodaxunta A Xunta "formaliza" a concesión do título de "embaixador do Camiño de Santiago" ao príncipe Felipe de Borbón