O galego Pedro Nimo, campión de España de maratón tras vencer na proba celebrada este domingo en Donostia (imaxe: @corriendo_voy)
Fálase
-
Desaparecidos os dous tripulantes do Safrán, barco galego con base en Celeiro que faenaba en augas francesas. Cóntao Faro de Vigo
Ferido moi grave un coruñés tras unha liorta entre siareiros do Dépor e do Atlético de Madrid nas inmediacións do estadio madrileño Vicente Calderón, segundo informa El País
A xuíza da Pokémon investiga a adxudicación do guindastre e da ORA na Coruña dentro da póla do caso na cidade, denominada Pikachu. Cóntao Faro de Vigo
Anova desenvolve hoxe a súa conferencia nacional sobre as eleccións municipais. A información, hoxe en Praza (imaxe: Brais Ribeiro)
O PSdeG celebra este domingo as súas primarias en nove localidades, entre elas A Coruña, Santiago, Ferrol e Ourense, e na secretaria provincial coruñesa. As votacións comezaron ás 10 da mañá e estenderanse ata as oito da tarde. Toda a información dos resultados, hoxe en Praza.
O PP non tería maioría absoluta en ningunha cidade galega e só o BNG de Pontevedra podería gobernar en solitario, segundo unha enquisa que hoxe publica La Voz de Galicia e que inclúe a irrupción de Podemos, aínda que o partido de Pablo Iglesias non concorre como tal a estes comicios.
Besteiro apela á "responsabilidade" e á "participación" da militancia nas primarias deste domingo para elixir aspirantes á alcaldía en nove localidades e o secretario provincial da Coruña. As bases do PSdeG deben votar "pensando na cidadanía", di.
Falece aos 89 anos o escritor, historiador, sacerdote e teólogo Francisco Carballo, quen desenvolveu un amplo labor cultural e político no país ao longo da súa vida. No outono de 2013 foi entrevistado en Irmandade TV.
O alcalde de Cortegada polo PSdeG e a da Bola polo BNG serán candidatos do PP nas vindeiras eleccións municipais. José Manuel Baltar vén de presentalos como "incorporacións" do partido de Feijóo.
