Guillerme Vázquez confirma que Francisco Jorquera será o voceiro do BNG no Parlamento. E ante os resultados obtidos este domingo, que cualifica de "moi malos", di que "o BNG ten a súa liña propia que vai seguir defendendo" ainda que cumpra "un periodo de reflexión". Preguntado por un posible entendemento con Beiras, o voceiro nacional do Bloque afirma que "os camiños do señor son inescrutábeis".
A publicidade en internet en España xa supera á dos medios impresos, que cae un 20% no primeiro semestre do ano.
Cifuentes advirte ao 25-S: "A Policía actuará". A delegada do Goberno asegura que a concentración prevista non foi comunicada, polo que ameaza coa actuación das forzas de seguridade.
Aumentan as voces críticas no PSOE despois dos malos resultados electorais no 21-O. Eduardo Madina pide unha "lectura de fondo" dos datos e López Aguilar cre que os españoles xa non recoñecen o PSOE como alternativa.
A conta de Beiras en twitter: @xmBEIRAS sumou máis de dous mil seguidores ao longo da noite electoral e supera xa os dez mil. Ao longo da campaña converteuse no candidato máis popular nesta rede social.
A UCI quítalle os sete Tours a Armstrong, a quen sanciona de por vida polas súas prácticas de dopaxe.
Propoñen un tratado de paz entre os seguidores de Apple e de Samsung no que se aposta porque a competencia é positiva para todos
Rabat, unha road movie que conta unha viaxe en taxi de Amsterdam á capital marroqui, foi a gañadora do festival de cinema euroárabe Amal. Ao redor de sete mil persoas pasaron polo evento compostelán.
A UE eleva ao 9,4% o déficit de España en 2011 polas axudas á banca e as facturas impagadas. Revisa á alza o dato inicial, que era do 8,5%, tras contabilizar as axudas a Novagalicia Banco, Catalunya Caixa e Unnim.
As portadas da prensa impresa salientan que a vitoria de Feijoo lle dá "alento" a Rajoy: "Feijoo salva a Rajoy" (El Mundo), "Aval absoluto a Rajoy" (La Razón), "Galicia rescata a Rajoy" (La Vanguardia) ou "Aire para Rajoy" (El Periódico).
