Francisco Caamaño afirma na Cadena Ser Galicia que non encabezará unha candidatura alternativa á de Pachi Vázquez no Congreso Nacional do PSdeG
![](https://praza.gal/media/cache/live_image/xornal/uploads/falase/foto/4f3124070d4e3-4284198219_6375c45814_b.jpg)
Francisco Caamaño afirma na Cadena Ser Galicia que non encabezará unha candidatura alternativa á de Pachi Vázquez no Congreso Nacional do PSdeG
O PPdeG salienta que "a primeira iniciativa que asina" Feijóo como presidente do Grupo Popular no Parlamento é a que propón darlle o nome de Álvaro Cunqueiro ao futuro hospital de Vigo, aínda en construción
Os sindicatos de NGB están reunidos aínda cos responsables da empresa para pactar un novo ERE. Fontes directas da negociación aseguran a Praza que o "clima" do encontro é "tenso" e que a dirección da entidade quere pechar 40 oficinas máis das 110 xa anunciadas
O Partido Popular veta no Parlamento a apertura dunha comisión de investigación sobre Novagalicia Banco. Tampouco se debaterá no pleno
O director xeral da Función Pública, José María Barreiro, asegura que a Xunta está disposta a negociar cos sindicatos o anteproxecto de lei que presentou o pasado venres "agás que eles renuncien a facelo"
A nova voceira do BNG no Parlamento, Ana Pontón, amosa o "recoñecemento" a Carlos Aymerich. "Ás veces, os amigos discuten, pero non deixan de ser amigos", di.
Pontón e Aymerich comparecen xuntos. O xa ex voceiro do BNG, visiblemente emocionado, despídese da prensa e gaba a "valía" da súa sucesora
A CIG convocará unha folga xeral a finais do mes de marzo. É un acordo ao que chegaron na Conferencia Nacional que ten lugar hoxe en Santiago
Pachi Vázquez envía unha mensaxe aos críticos do PSdeG: "o desafío está fóra do partido, non dentro". Amósase partidario de elixir o candidato ás autonómicas nunhas primarias.
Pachi Vázquez asegura, na presenteación do relatorio marco do congreso do PSdeG, ter "datos demoscópicos" que acreditan "que é posible gañarlle ao PP en Galicia"