O PP gañaría en Galicia e En Marea superaría con claridade o PSOE nas xerais, segundo unha enquisa de Sondaxe para La Voz. O inquérito destaca a fidelidade de voto dos populares e dos que apoian a coalición.
Fálase
-
A manifestación contra ENCE discorre xa pola ría de Pontevedra. Os convocantes reclaman a marcha da celulosa e o saneamento integral da ría e piden a fin da eucaliptización. Toda a información, mañá en Praza. Foto de @AdegaGZ.
Martiño Noriega cre que Unidos Podemos será a lista máis votada e En Marea terá grupo propio. Asegúrao nunha entrevista para a axencia EFE.
O Burela gaña a súa segunda Liga de fútbol sala feminino. O equipo mariñao vence en Logroño e suma un novo título ao seu palmarés.
A Comisión Aberta en Defensa do Común concéntrase para pedir a devolución gratuíta dos terreos públicos nos que se ubican o Hotel Finisterre, La Solana, peiraos de Batería e Calvo Sotelo, Maestranza e a vella cárcere na Coruña.
O Concello da Coruña suspende o seu encontro coa veciñanza de hoxe por orde da Xunta Electoral tras unha denuncia do PP. O 'Dillo Ti' deste sábado tivo que ser cancelado. Máis información, esta mañá en Praza.
A heroína regresa a Galicia pola masiva oferta mundial desta droga. O país revive o pesadelo do narcotráfico con incautacións de alixos e conexións internacionais con mafias nas Rías Baixas, segundo conta El País.
Falece Muhammad Ali, lenda do boxeo e símbolo da loita política e social nos EUA. O tres veces campión mundial dos pesos pesados non puido superar a súa insuficiencia respiratoria.
O campo galego xógase 95 millóns en exportacións se o Reino Unido abandona a UE: A carne, as patacas e o viño serán os produtos máis afectados pola reaparición das taxas arancelarias.
Galicia ten por primeira vez máis traballadores formados que man de obra sen cualificación. Os empregados con especialización supoñen o 52,7% dos ocupados na comunidade.