Videla, o ditador arxentino, condenado a 50 anos de cadea polo roubo de bebés. O tribunal sostén que o roubo foi "sistemático", parte dun "plan xeral de aniquilación" contra parte da poboación civil co argumento de acabar coa "subversión".
Fálase
O electricista acusado de roubar o Códice Calixtino confesa os feitos. Adiántao El País.
A prensa portuguesa faise eco hoxe dunha cidade construída en Angola polos chineses, Nova Cidade de Kilamba, pensada para acoller medio millón de persoas, e totalmente baleira aínda.
IKEA recibe 55.252 currículums para as 380 ofertas de traballo da súa nova tenda en Sabadell
O comisario xefe da Unidade de Delincuencia Especializada, o galego Serafín Castro, di que o presunto ladrón do Códice Calixtino é "é un home de carácter pechado, escuro, galego" e que acumulaba "cartos para gardalos debaixo do ladrillo, como todos os galegos". En Galiciae
O Goberno central podería reducir a prestación por desemprego dos 24 meses actuais a 15 ou 18, segundo El Blog Salmón. A medida, que podería aprobarse nun dos dous próximos consellos de ministros, conformaría unha parte do recorte de 30.000 millóns de euros que pretende realizar o Executivo.
Apenas o 3% dos consumidores paga por contidos de entretemento na rede, principalmente videoxogos. Segundo un informe da consultora GfK, un escaso 12,2% dos cidadáns consume contidos de entretemento online, e deles só o 27% paga, maioritariamente homes novos, early adopters de tecnoloxía.
Público.es comeza a publicar as informacións tiradas de 2,5 millóns de e-mails do Goberno sirio, filtrados por Wikileaks. Entre outras cousas, estes documentos revelan millonarios negocios entre a industria armamentística italiana e o goberno de Bashar al Asad, mesmo despois do inicio do conflito.
O BCE baixa o tipo de interese un cuarto de punto, e déixao no 0'75%, o seu mínimo histórico. Con todo, segue estando máis alto ca en EE UU (0,25%), Xapón (0%) e Reino Unido (0,5%).
#consellodaxunta Feijóo sinala, sobre os posibles contratos do sector naval con Pemex, que "isto é cuestión de tirar un penalti". "O resto do partido xa está xogado, agora hai que concretar os contratos". "Os penaltis normalmente márcanse, agás excepcións", di.