San Luis entra en liquidación aos dous anos de comezar a súa nova etapa. A empresa trata de atopar comprador para as cinco tendas que aínda ten, onde traballan 25 empregados.
Fálase
Ciudadanos de Pontevedra bota a súa coordinadora local por "pactar" co BNG. Militantes piden que deixe a acta de concelleira por chegar a acordos co Bloque.
A Deputación de Lugo augura noticias positivas para o lácteo a curto prazo. A presidenta, Elena Candia, di que se está estudando a posibilidade de fixar os prezos do leite, como sucede en Francia.
Medio milleiro de persoas maniféstanse en Guitiriz a prol do sector lácteo e por uns prezos xustos nunha marcha convocada polo Concello. O comercio local da vila pechou os seus establecementos durante a protesta.
O COB Ourense confirma que xogará a próxima tempada na Liga ACB tras aceptar o CSD a súa reclamación.
Cinco grandes incendios permanecen activos en Galicia, segundo informa Medio Rural. Vimianzo, Viana do Bolo ou Pereiro de Aguiar sofren os máis grandes.
Negreira renuncia ao seu soldo no Concello da Coruña para cobrar case o dobre na Deputación. Percibirá unha das dúas dedicacións exclusivas do PP no ente provincial, segundo conta La Opinión.
Grecia anuncia un acordo cos seus acredores sobre o terceiro rescate. O ministro de Finanzas matiza que tan só quedan "dous ou tres asuntos menores pendentes".
Podemos Madrid propón incluír persoas independentes nas listas das xerais. O Consello Cidadán aproba que se reserven postos para persoeiros que non teñan participado nas primarias.
O CSD dálle a razón ao COB e exixe a ACB que o inscriba. Entende que a actuación da Liga non se axustou a dereito coa exclusión do equipo galego.