Este sábado celebrouse en Compostela a undécima edición do Encontro Galego de Ilustración, organizado pola AGPI. A presidenta da asociación, Marina Seoane, e o coordinador do evento, Manuel Cráneo, destacaron a importancia do elemento asociativo para "defender o colectivo da ilustración".
O PSdeG pídelle á Xunta que sancione os bancos que continúan impoñendo cláusulas solo nas hipotecas, a pesar de ter sido prohibidas polo Tribunal Supremo.
O PP premia Ángel Currás coa dirección de Tragsa en Galicia. O ex alcalde compostelán, imputado por tráfico de influencias, renunciará á súa acta de concelleiro e pasará a ter un soldo mesmo maior que o que percibía como rexedor.
O Goberno autorizou 35 consultas en España nas últimas dédadas, case todas municipais. Rexeitou outras 68, por exceder as competencias locais na maior parte dos casos, entre elas as solicitadas por Monforte (1987), Xinzo de Limia (1988) e Pobra de Trives (1995). Este venres o Executivo anunciou que recorrerá ante o TC a consulta sobre as prospeccións petrolíferas na costa convocada polo Goberno canario.
A Cadena Ser entrevista Julian Assange, que denuncia que "Google permítelles á NSA e ao FBI ler os correos electrónicos". O fundador de Wikileaks nega que vaia abandonar a embaixada ecuatoriana en Londres en breve.
Samuel Juárez deixa a Delegación do Goberno en Galicia para ocupar un posto na embaixada de España en China
No último ano Galicia perdeu cada mes 1.158 mozos e mozas de entre 16 e 29 anos, que marcharon vivir a outros territorios. En total, os datos da EPA revelan unha emigración de 13.900 persoas novas, que se eleva até as 25.500 se sumamos as que teñen entre 30 e 35 anos.
A Xunta concedeulle unha subvención a Gerardo Crespo despois de detectar irregularidades nos cursos. O Goberno galego outorgoulle 100.000 euros en 2013 a pesar de que Feijóo asegura que decidiu "cortar todo tipo de contrato" co imputado cando Traballo percibiu anomalías en 2012.
Este venres e sábado celébranse en Compostela a II Xornada sobre Movementos Sociais, centrada na "defensa dos nosos dereitos dende a participación política". Podes consultar aquí o programa e nesta ligazón ver integramente a mesa inaugural, na que participaron Miren Etxezarreta, doutora en economía e economista crítica, e José Ángel Brandariz, profesor de dereito da UdC.
As Marchas da Dignidade maniféstanse xa por Oviedo contra a monarquía e a corrupción co gallo da entrega dos Premios Príncipe de Asturias. Fotografía de @Global_March.
