Novas protestas ante a sede do PP en Madrid. A convocatoria comezou pouco despois das 19.00 horas.
![](https://praza.gal/media/cache/live_image/xornal/uploads/falase/foto/510eae446fefd-1359665892_366147_26079000_fotograma_2.jpg)
Novas protestas ante a sede do PP en Madrid. A convocatoria comezou pouco despois das 19.00 horas.
Na Terceira galega o Rácing de Ferrol (57 puntos) e o Celta B (47) continúan moi destacados na cabeza da clasificación seguidos do Compostela (39).
Racing Vilalbés 1-0 Pontevedra
Cerceda 1-3 Celta B
Deportivo B 0-2 Ordes
Betanzos 2-3 As Pontes
Somozas 1-2 Céltiga
Negreira 3-0 Narón
Alondras 0-1 Barbadás
Rápido de Bouzas 1-1 Bergantiños
Vilalonga 1-1 Compostela
Racing de Ferrol 2-0 Dorneda
Derrota do Lugo 1-0 na súa visita a Cordoba. Os lucenses mantéñense na metade da táboa da Segunda División de fútbol. En Segunda B o Coruxo acadou unha importante vitoria 0-1 ante o Rayo B e roza os postos de play-off de ascenso. E o Ourense empatou na casa ante o Getafe B 1-1.
Derrota do Academia Octavio 25-41 ante o Granollers e vitoria do Cangas 24-23 ante o Cuenca na xornada da Liga Asobal de balonmán
O Burela acadou esta fin de semana a súa primeira vitoria na Primeira División do fútbol sala ao derrotar o Santa Coloma por 7-4. O Azkar Lugo empatou 3-3 en Navarra. E o Santiago Futsal non puido facer nada no Palau ante o Barcelona 6-3
Os politólogos Pablo Barberá, Pablo Fernández e o ourensán Gonzalo Rivero veñen de publicar un working paper que analiza os efectos electorais da corrupción en España. Toman como referencia 75 escándalos da pasada lexislatura e estudan as súas consecuencias nas eleccións municipais de 2011. Conclúen que a corrupción tan só produce un dano electoral real cando o custe para o cidadán é evidente e afecta ao seu benestar.
Alfredo Pérez Rubalcaba pide a dimisión de Rajoy nunha rolda de prensa para valorar as implicacións do caso Bárcenas: "Rajoy converteuse nun problema para España... Rajoy non pode dirixir un país nun momento delicado coma este... É por iso polo que dende o PSOE lle dicimos que abandone a presidencia".
As construtoras que segundo os documentos de Bárcenas achegaron cartos ao PP -Sacyr, FCC e OHL- tiñan cando menos 6.600 millóns de euros en obra pública nos anos das doazóns
Ignacio Escolar analiza criticamente o Tribunal de Contas nun artigo en El Periódico de Catalunya: "o nome engana: este tribunal non é ningún xulgado, non depende do Poder Xudicial. O órgano que vixila o financiamento dos partidos está dirixido... polos partidos".
A marmota Punxsutawney Phil prediciu este sábado unha primavera temperá nesta curiosa tradición que ten como escenario unha vila de Pennsylvania. O Groundhog Day ou Dia da Marmota determinou que as baixas temperaturas non durarán moito este ano