ATA pide estender a axuda dos 400 euros aos autónomos en paro. A asociación de traballadores por conta propia lembra que un de cada cinco novos parados era autónomo e non recibe ningún tipo de prestación.
Fálase
A prima de risco sitúase nos 460 puntos, case cen menos que hai unha semana, e o tipo pagado polas emisións de débeda española a dez anos cae até o 6,3%, un nivel semellante ao de comezos de xullo. A relaxación amosa unha confianza nunha intervención do BCE.
Falece aos 98 anos Avelino Pousa Antelo, un dos últimos representantes da xeración das Mocidades Galeguistas. Será homenaxeado mañá ao mediodía no Concello de Teo, onde se depositará o cadaleito. Será incinerado ás sete da tarde.
A vicepresidenta da Generalitat, Joana Ortega, anuncia que Catalunya "seguramente" pedirá o rescate o día 28. Esixiulle a Rajoy que poña en marcha "de inmediato" o novo fondo autonómico
Denuncian unha vez máis o abandono do Castelo da Rocha, en Santiago, á espera da chegada de axudas e de que se reanuden os traballos de recuperación, paralizados hai dous anos, segundo a Asociación Cultural A Rocha Forte
Unasur únese a ALBA e acorda unha declaración de apoio a Ecuador e en contra das ameazas do Reino Unido
O BNG insta á Xunta a pedir a transferencia das competencias de aeroportos para acadar un sistema aeroportuario galego que permita que "haxa más voos e máis destinos". Os nacionalistas reaccionan así ao anuncio de que Easyjet deixará de operar dende Alvedro.
Cangas acolleu este venres unha nova concentración da Plataforma pola Sanidade Pública, á que tamén acudiron grupos de afectados polas preferentes, do 15M e da CUT, que no remate da marcha, na Alameda vella, reivindicaron solucións para que a flota galega poida volver ao caladoiro de Mauritania.
Ao redor de cinco mil afectados polas preferentes, segundo a Policía Local, manifestáronse esta mañá en Sanxenxo para esixir a devolución íntegra dos seus cartos (imaxe via @xpadim). Ocuparon todo o centro da vila, recibindo o apoio dos veciño e sorprendendo os moitos turistas que paseaban polas rúas. A marcha finalizou diante dunha oficina de Novagalicia Banco, onde un voceiro das plataformas rexeitou a fórmula da arbitraxe proposta pola Xunta, denunciou "presións" e criticou a posibilidade de que o seu investimento poida sufrir unha quita de entre o 50 e o 70%, como propón Bruxelas.
O contrato pechado por MetalShips para a construción dun buque offshore de 100 millóns de euros supón carga de traballo para unhas 700 persoas da industria naval da Ría de Vigo e as súas auxiliares, segundo CC.OO.