Tragsa comezou a recoller o lixo acumulado no centro de Lugo, pola folga dos traballadores de Urbaser. Os sindicatos consideran que esta medida, decidida polo Concello, vulnera o dereito de folga, e xa anunciaron que presentarían unha denuncia ante a Fiscalía.
O ex alcalde compostelán Ángel Currás manterase como edil no novo Goberno de Compostela, que contará cunha maioría de concelleiros non electos, e no que estarán Marta González, deputada popular no Congreso, e María Jesús Sainz, senadora.
A candidatura encabezada por Pablo Iglesias e Luis Alegre pilotará a preparación da asemblea fundacional de Podemos, despois de recibir o 86% dos máis de 55 mil votos emitidos en 40 horas. Iglesias pide un "proceso constituínte que lle devolva o poder ao pobo" e destaca que "non viñemos dar a nota, senón a ser a nota dunha nova canción".
A empresa pública Tragsa recollerá o lixo no centro de Lugo durante o Arde Lucus, para ocultar os efectos da folga que dende o mércores levan a cabo os traballadores de Urbaser. Os sindicatos consideran a contratación de Tragsa "unha vulneración do dereito de folga" e denunciarana ante a Fiscalía.
14 mil persoas pasaron este venres por Empregalia, a feira de procura de emprego que se celebrou en Vigo, e na que as empresas recolleron máis de cinco mil solicitudes. A CIG cualifica de "fraude" e de "propaganda" a feira, que ofrece 72 postos fronte ás 263 mil persoas desempregadas galegas
Eduardo Madina pide un "'shock' de modernidade para España" na presentación da súa candidatura á Secretaría Xeral do PSOE. Parte como favorito ante Pedro Sánchez, aínda que polo de agora non ten asegurado o apoio do PSE.
Ao redor de 50.000 persoas votarán en dous días a través dos círculos de Podemos para elixir o equipo que pilotará a asemblea fundacional da formación, que se celebrará en outono
Adrián Varela, ex concelleiro de Deportes en Compostela, nega agora que solicitara o despedimento da muller dun sindicalista, como revelou o sumario da Pokémon.
O Wall Street Journal publica un especial sobre "a Copa do Mundo de todo o demais", cos resultados do mundial de fútbol de Brasil en función dun gran número de variables e estatísticas de cada país. En desemprego, por exemplo España chegaría a semifinais.
A Audiencia Nacional anula o ERE de Coca-Cola. A sentenza dálles a razón aos sindicatos e obriga a suspender o despedimento colectivo de 1.190 traballadores e traballadoras