O alcalde da localidade catalá de Sant Hilari dimite pola súa imputación no caso Manga, que tamén lle afecta ao Concello de Santiago. Tamén dimite o secretario de organización de ERC, citado a declarar no mesmo caso aínda que sen estar imputado. Cóntao o diario Ara
Ademais dos datos patrimoniais dos membros do Goberno galego, a Xunta pendura dende hoxe as declaracións da renda de Feijóo de 2008 a 2011 e as certificacións das súas nóminas do ano 2012. Pódense consultar aquí
O alcalde de Santiago anunciou hoxe a reestruturación do seu equipo de goberno, derivada da marcha de Paula Prado e da dimisión de Albino Vázquez, en liberdade baixo fianza polo caso Manga. Cando menos de momento, non contempla a introdución de edís non electos.
O BNG propón iniciativas no Congreso en favor da autodeterminación, un novo sistema de financiamento autonómica, a dación en pagamento, e para derrogar a reforma laboral, as taxas xudiciais e copagamento. Os nacionalistas rexistraron unha resolución na que concentran as súas peticións
Barbijaputa analiza en El Diario a UPyD do que di que "non é nin de esquerdas nin de dereitas, UPyD é o que ti queiras que sexa, o que ti necesites". E engade que só ten tres ideas: "ETA debe desaparecer, Cataluña NON se pode independizar e os coches oficiais son ETA, ergo deben desaparecer".
O grupo municipal do PP de Oia anuncia a súa intención de abandonar o Partido Popular e pasar ao grupo mixto se a formación non muda a súa actitude con respecto á estafa das preferentes e subordinadas. Xulio Vicente, voceiro da Plataforma de Afectados do Baixo Miño, considera que é "unha decisión lóxica". Máis información nuns minutos en Praza.
A Comisión Europea prevé que a economía española caia un 1,4% en 2013 e o Goberno anticipa unha caída do 0,5%. Lainformacion.com analiza as previsións erradas de todos os organismos nos últimos anos
A Comisión Europea eleva ao 10,2% o déficit público de España en 2012 contando coas axudas á banca. A cifra sen estes cartos sería do 6,7% do PIB. O comisario Olli Rehn prevé que en 2013 baixe até o 6,7% e que suba en 2014 até o 7,2%. Afirma que a taxa de paro chegará ao 26,9% en 2013 en España.
Pecha Minileaks. Naceu en xullo de 2011 como unha plataforma para a denuncia de calquera práctica que vulnerase os principios éticos fundamentais. A razón do peche é a imposibilidad de facer “sostible” economicamente “o esforzo necesario para facer un traballo periodístico rigoroso”.
Os promotores da recollida de sinaturas online para pedir a dimisión da cúpula do PP entregaron simbolicamente as rúbricas na sede do partido