Máis de 200 mortos e 150 desaparecidos no incendio dun barco con inmigrantes en Lampedusa. As vítimas son somalíes e eritreos que fuxían da fame e a guerra e varios pesqueros negáronlles axuda
Fálase
-
Francia aproba unha lei contra Amazon, para prohibir que a empresa engada o envío gratuito a un desconto anterior.
Dous profesores da Universidade de Belgrado publican un artigo ficticio para denunciar a falta de control e rigor das publicacións académicas. O texto, “Avaliación da heurística hermenéutica transformadora para o procesamento de datos ao azar” contiña referencias a unha suposta bolsa Jeremy, Weber e Jackson, en referencia ao actor porno Ron Jeremy, o filósofo Max Weber e Michael Jackson.
Currás admite un erro de 10.000 millóns no proxecto de Orzamentos Xerais do Estado. A secretaria de Orzamentos do Ministerio de Facenda recoñece que o seu departamento se trabucou ao reflectir a previsión do peso da débeda pública sobre o PIB. En El País
Feijóo revela que Conde Roa pediu a baixa no PP tras a sentenza que o condena por fraude fiscal. O presidente da Xunta valora a "coherencia" do ex alcalde de Santiago.
O informe do Congreso sobre conciliación da vida laboral e familiar inclúe un parágrafo machista, denunciado por PSOE e Izquierda Plural: "a maior implicación materna no apoio escolar de fillos e fillas pode estar incidindo no maior índice de fracaso escolar masculino, tendo en conta a inexistencia de modelos paternos"
Unha muller da Coruña e os seus tres fillos menores recibiron unha orde de desaloxo do seu piso na zona do Castrillón, que se executará o vindeiro martes. Coa axuda da plataforma Stop Desahucios intenta dende hai uns días paralizar a execución da sentenza
#consellodaxunta Feijóo di que a xuntanza cos ex presidentes foi "cordial, frutífera, oportuna e útil". O resultado do encontro foi emprazarse a novas reunións e un comunicado co compromiso de facer propostas "construtivas". "Superou todas as expectativas", di o titular da Xunta.
#consellodaxunta A Xunta lanza un programa para "previr" os desafiuzamentos, xunto a concellos e o Colexio de Traballo Social. Centrarase nas persoas en situación de "especial vulnerabilidade" e comezar a funcionar o 15 de outubro cunha oficina en Santiago.
#consellodaxunta A Xunta achega 150.000 euros ao acondicionamento do espazo de exposicións do Pazo de Xelmírez, sede arcebispal de Compostela.