Fálase

O Parlamento grego aproba por ampla maioría a proposta do Goberno para solicitar o rescate. A proposta, con renuncias no IVE e sobre todo nas pensións, recibiu 251 votos a favor, 32 en contra e 8 abstencións. Algúns significados deputados de Syriza abstivéronse. Tsipras defende que a proposta sitúa a Grecia nunha boa posición para negociar unha reestruturación da débeda.

A Audiencia Provincial condena a Jesús Otero, ex subdelegado do Goberno e actual alcalde de Monterroso, no chamado caso das multas, no que tamén lle impón pena ao ex xefe provincial de Tráfico Julio González

PSdeG e PP barallan a posibilidade de presentar unha moción de censura en Miño contra Ricardo Sánchez. Este sábado unha nova manifestación veciñal pedirá a dimisión do rexedor.

Mariano Rajoy abre a Conferencia Política do PP, que se celebra esta fin de semana, atacando a Podemos e PSOE.

O BNG reafírmase na opción de presidir a Deputación da Coruña. A secretaria de política municipal, Goretti Sanmartín, sinala que hai "máis actores e elementos que o PSdeG". Os socialistas, pola súa banda, responden que "as matemáticas son claras" e que o PSdeG conta con oito deputados, por cinco do Bloque. O BNG cualifica de "histórico" o programa marco acordado para o goberno das deputacións: “é un acordo político que ataca á liña de flotación da recentralización que impón o PP coa reforma local”, afirma Vence

O premio de honra da 31ª Mostra Internacional de Teatro de Ribadavia recoñecerá a Asociación Galega de Empresas de Artes Escénicas, Escena Galega, "unha das institucións que mellor evidencian o desexo de sumar esforzos cara o progreso e o ben común do sistema teatral galego".

O cadro de persoal de Santos, empresa con preto de 200 traballadores con sede en Boqueixón, chega ao seu décimo día de folga indefinida, apoiada polo 90% dos seus empregados e empregadas. AGE e BNG amosaron o seu apoio ao Comité de Folga, constituído por CUT e CIG.

Eduardo Garzón analiza en La Marea as fortes caídas que leva semanas experimentando as bolsas chinesas, nas que importantes empresas perderon máis do 30% do seu valor e máis da metade suspendeu a súa cotización.

A Xunta dálle un prazo dun ano ao Concello da Coruña para pechar o vertedoiro de Nostián onde se depositan os residuos que non poden ser reciclados.

Syriza ofrece subir o IVE en restauración e unha reforma do sistema de pensións, sen mencionar unha reestruturación da débeda