A consulta catalá anunciada para o 9 de novembro do ano que vén domina as portadas da prensa impresa este venres, con gran diverxencia en xeral entre os xornais editados en Madrid e en Barcelona. "Catalunya dá o paso. España enrócase" (El Periódico), "Agora queremos votar" (Ara) ou "Mas desafía a Rajoy con pregunta e data" (La Vanguardia), fronte a "Jaque a España" (El Mundo) ou "Esta consulta non se vai celebrar" (ABC)
Facenda ofrece un rescate a 13 concellos galegos a piques de quebrar. De negarse, quedarán sen financiamento estatal e serán sancionados.
Rajoy decide a dedo que xornalistas lle preguntan nas roldas de prensa e racha cun pacto de anos que mantiñan os periodistas nas comparecencias xunto a líderes estranxeiros.
O FROB blindará o dono de Novagalicia ante preitos como os das preferentes. Cubriralle un 85% do que poida perder en procesos xudiciais.
Stop Desafiuzamentos Coruña levará a cabo este venres 13 un "roteiro de bancos" xunto con afectadas e afectados pola hipoteca. A acción de protesta comezará ás 12 horas no Obeisco.
Medio cento de persoas denunciaron hoxe á entrada de Jesús Vázquez no CEIP Raquel Camacho da Coruña as medidas de recorte e privatización do ensino do PP. Imaxe: Comités.
O Valedor do Pobo garantirá a non presenza de menores en festexos taurinos, segundo manifestou este xoves nun encontro coa Fondation Franz Weber. O Alto Comisionado do Parlamento de Galicia xa remitira unha recomendación ao goberno galego ao respecto da presenza de nenos en touradas
A plataforma en defensa da ría do Burgo pide aos eurodeputados que exixan un saneamento integral, logo de criticar o informe que se votará o vindeiro día 16.
O referendo catalán será o 9 de novembro e terá dúas preguntas. A primeira, sobre se a poboación quere que Cataluña sexa un estado. No caso de que si, a cidadanía responderá se o quere independente ou non.
Denuncian que ao longo de toda a pasada noite estivo ardendo un incendio na parroquia de Vilatuxe (Lalín), cerca do lugar de Chedas, nunha zona da Serra do Candán incluída na Rede Natura. Entre as once da noite do mércores e as dez da mañá do xoves o lume queimou 25 hectáreas de monte sen que actuase brigada ou motobomba ningunha. Na zona xa arderan 28 hectáreas en setembro. Máis información, esta tarde en Praza.