Os zapatistas volven á escea pública con marchas multitudinarias e amósanlle a súa forza ao novo presidente de México.
![](https://praza.gal/media/cache/live_image/xornal/uploads/falase/foto/50d5f3149a35f-1356170428407ezln-2col.jpg)
Os zapatistas volven á escea pública con marchas multitudinarias e amósanlle a súa forza ao novo presidente de México.
O Lugo volve gañar, desta vez en Sabadell (0-1) grazas a un gol de Óscar Díaz. José Juan parou un penalti para o equipo lucense, que se sitúa no medio da táboa con 26 puntos. Na Segunda B, o Ourense gañou 3-1 ao Zamora e o Coruxo caeu goleado (4-1) en Fuenlabrada.
O neno Xesús desaparece do belén do Obradoiro para protestar contra os desafiuzamentos. O colectivo Fartas enviou un comunicado a Stop Desahucios en Compostela para reivindicar a acción reivindicativa. Imaxe de @gemafilgueira.
Preséntase Eusko Ekintza, novo partido da esquerda abertzale á marxe de Sortu. Está formado por antigos membros de EA e da antiga Batasuna, tal e como conta Público.
Garzón abre a porta a un futuro en política con Llamazares. O ex maxistrado da Audiencia Nacional non descarta unirse ao proxecto de Izquierda Abierta.
O risco da pobreza alcanzou o 22% dos españois. Sitúase así nos niveis máis altos desde 1995, segundo os últimos datos do Informe de Sustentabilidade en España.
Parte do Gordo do Sorteo de Nadal cae en Galicia. A Coruña, Lugo, Meira ou Carballo son as localidades agraciadas co 76058. Un cuarto premio (85045), vendido integramente en Pontevedra.
Rajoy asegura que España seguirá en Afganistán despois de 2014. Así o asegurou tras entrevistarse co presidente afgano, Hamid Karzai.
Xaime Subiela gaña o premio Ramón Piñeiro de Ensaio coa súa obra Para que nos serve Galiza? A obra premiada propón unha análise dos retos que afronta o país "en torno á idea de buscar alternativas colectivas conciliadoras arredor do concepto integrador de nación; cunha visión optimista de futuro".
Un home mata a súa parella en Ferrol e despois suicidase en Fene, onde os dous vivian. O home tivera unha orde de afastamento por ameazas entre 2006 e 2008. Algunhas fontes apuntan que a parella se volvera xuntar hai un tempo despois daquela primeira separación.