O portugués Domingos Paciência será presentado este mediodia como novo adestrador do Deportivo
Fálase
Artur Mas afirma que "non hai proxecto nacional sen proxecto social" e sitúa o benestar como prioridade. O portavoz da CUP no Parlament, David Fernàndez, instao a incumprir o déficit: "pódese desobedecer se dicimos que o importante son as condicións de vida das persoas".
Segue sen haber acordo entre demócratas e republicanos para adoptar acordos que eviten o chamado abismo fiscal. Se este luns non hai acordo, aprobarase un conxunto de recortes de gasto e de incremento de taxas que poderian levar os Estados Unidos á recesión.
O estado de saúde de Hugo Chávez agrávase. O vicepresidente Nicolás Maduro permanece na Habana e barállase a posibilidade de que a toma de posesión do Goberno venezolano se realice en Cuba.
Un concurso organizado en Facebook por EVO Banco, filial de Novagalicia Banco, desata unha fervenza de críticas contra a entidade. Cóntao La Información.
Milleiros de persoas reclaman en Palma de Mallorca a "autodeterminación dos Països Catalans". Recólleo El Diario.
Onda Cero anuncia que o portugués Domingos Paciência será o novo adestrador do Deportivo. O clube vai volver convocar os medios este serán para anunciar o nome do substituto de José Luis Oltra.
O presidente do Deportivo da Coruña vén de anunciar a destitución de José Luis Oltra como adestrador por ser "irreversible" a súa situación no equipo. Sinala Augusto César Lendoiro que agarda porder dar a coñecer o nome do substituto "nas vindeiras horas".
O Goberno de Portugal pídelle á cidadanía do país que faga un menor uso dos servizos sanitarios. Recólleo o diario Público
O 'banco malo' recibe mañá os activos tóxicos das entidades bancarias nacionalizadas, entre eles os máis de 5.000 millóns de 'ladrillo' de Novagalicia Banco. En El Diario