TVE gastou 9 millóns de euros en retransmitir programas taurinos durante catro anos. Cóntao El Correo.
![](https://praza.gal/media/cache/live_image/xornal/uploads/falase/foto/4f87d8d20d40c-toros-300x180.jpg)
TVE gastou 9 millóns de euros en retransmitir programas taurinos durante catro anos. Cóntao El Correo.
The New York Times dedica un editorial a España e critica as medidas económicas adoptadas polo Goberno: "Sen unha boa solución para cadrar as contas, Rajoy propuxo moitas malas".
La 2 de TVE estreou onte o programa La Nube, centrado en Internet e que emite un treito en televisión e outro só en streaming. A primeira emisión foi trending topic en Twitter pero apenas logrou un 2,2% de cota de pantalla. No blog TeleDiaria, de La Información.
Os anunciantes dan por feito a volta da publicidade a RTVE, segundo conta El Economista. A fusión de Antena 3 e La Sexta e o temor a un duopolio fai pensar ás axencias de publicidade que se elevarán os prezos, ademais de agoirar máis recortes no medio público.
O IPC subiu un 0,7% o pasado mes de marzo en relación ao mes anterior por mor, principalmente, do encarecemento das gasolinas e do vestido e calzado. A taxa interanual sitúase no 1,9%, unha décima inferior á de febreiro e a máis baixa desde agosto de 2010, segundo datos do INE.
A CIG recolle na súa web detalles e imaxes das concentracións coas que onte rexeitou a aprobación da reforma laboral. Milleiros de persoas convocadas pola CIG volven rexeitar nas rúas do país a reforma laboral do PP
Unha nova promesa electoral incumprida? La Información adianta que o Goberno central traballa xa nunha suba do IVE
O Goberno arxentino anunciou onte a nacionalización da petroleira YPF, filial de Repsol. A prensa da Arxentina recolle hoxe a reacción do Executivo español e as duras advertencias do ministro de Industria, José Manuel Soria. En Clarín.
O alcalde de Santiago, Gerardo Conde Roa, convocou no serán de onte unha rolda de prensa para este mediodía ás 13:00, por sorpresa e fóra da axenda oficial. Contarémosvos todo o que dea de si en Praza.
Corea do Norte lanzou esta noite, hora galega, o seu controvertido foguete. As primeiras informacións sinalan que caeu ao mar. En El País.