Novagalicia Banco pon sobre a mesa unha redución de salarios de entre o 5,25% e o 9% no caso dos soldos "medios". Para a alta dirección, o recorte pode chegar ao 30%. Un dos directivos, Juan Díaz Arnau, asegurou hoxe que o plan de captacion de investidores vai "moi ben"
A CIG xa ten todo listo para a VI Edición do Premio do Día da Clase Obreira Galega e do Premio do Día Internacional da Muller Traballadora. Será este martes cando o sindicato nacionalista, nun xantar de confraternización, recoñeza "publicamente aquela loita dos traballadores que sobresaíra durante o ano anterior". O acto comezará ás 14:30 horas no Pazo de Congresos. A entrega de premios será ás 16:00 horas.
O secretario xeral do PSdeG en Ourense, Raúl Fernández, asegura que os delegados desa provincia apoiarán "maioritariamente" a Pachi Vázquez no Congreso Nacional dos socialistas galegos. Esta tarde, Elena Espinosa reúnese con delegados ourensáns.
O dixital La Información analiza o futuro do sector bancario, que vivirá outro importante capítulo esta semana coa adxudicación de Unnim. Inclúe un infográfico no que se ve como era o mapa de bancos e caixas en 2009, como é na actualidade e como pode chegar a ser de cumprirse os prognósticos dos expertos. A información, neste enlace
Rueda asegura que a conselleira de Facenda pedirá mañá, no Consello de Política Fiscal e Financeira, un "trato especial" para Galicia por "facer os deberes" en materia de déficit público.
O ministro de Educación, José Ignacio Wert, propón unha "carta de dereitos" básicos para "controlar" a descentralización das competencias educativas. En La Información.
Oitenta novos casos de sarampelo na provincia de Alacante. Os Colexios Médicos fan fincapé na necesidade de "combater os grupos antivacinas". No diario Información.
A CIG informa de que "traballadores e traballadoras de Seaga acaban de ocupar a base helitransportada de Silleda". Denuncian que os datos feitos públicos sobre o operativo de prevención e defensa contra incendios que xa está funcionando "son falsos".
O ministro de Economía e Competitividade, Luis de Guindos, cifra no 3,5% do PIB o axuste total que haberá que acometer en 2012. Son máis de 35.000 millóns de euros.
A morosidade tamén aumenta en Portugal. As empresas e familias teñen cada vez máis dificultades para pagar os xuros dos seus préstamos. "Os bancos têm em carteira 12,4 mil milhões de euros em créditos de cobrança duvidosa", recolle o Jornal de Negócios. A morosidade en España supera os 130.000 millóns.