SOS Sanidade Pública chama a veciñanza de Vigo a participar este serán nunha manifestación contra os recortes sanitarios. Será ás 20:00 dende a Praza dos Cabalos.
Fálase
A veciñanza compostelá de Galeras, que loita contra a construción dun acceso a un aparcadoiro privado no seu parque, convoca unha nova mobilización para o vindeiro sábado.
A Alianza Libre Europea comeza hoxe en Compostela os actos da súa asemblea, na que o BNG é o anfitrión. O Bloque recibe unha delegación da ALE no Parlamento, onde realizará unha visita pola Cámara e será recibida pola presidenta, Pilar Rojo.
O xuíz ve indicios de apropiación indebida ou estafa na actuación de cinco ex directivos de Caixanova, entre eles Gayoso, por repartírense 19 millóns en indemnizacións. En Infolibre.
Sindicatos policiais aseguran que foron premiados tras o accidente de Angrois axentes que "nin pisaron as vías". Cóntao Faro de Vigo
Francisco Fernández Liñares, ex concelleiro en Lugo e ex presidente da Confederación Hidrográfica admitiu ante a xuíza da Pokémon que recibira 300.000 euros de Véndex, segundo o sumario. Liñares tamén admite que ese é un "patrimonio indebido".
Carmen Iglesias recibirá 100.000 euros ao ano tras pasar ao Grupo Mixto. Esta cantidade inclúe o seu salario e os gastos de funcionamento do grupo. A deputada, que foi elixida por AGE, poderá facerlle unha pregunta ao presidente por cada período de sesións. Acordouse onte no Parlamento
Os traballadores do naval de Ferrol volven saír á rúa en protesta pola falta de carga de traballo para os 2.300 empregados de Navantia e os 3.600 das empresas auxiliares. Alertan de que o flotel encargado por Pemex só dará traballo a 282 persoas.
A Comisión Europa vén de publicar un estudo sobre o perfil da audiencia audiovisual actual e futura en dez países da UE. Os resultados amosan que o 68% dos e das europeas menores de 50 anos ve películas descargadas da rede, unha porcentaxe que en España chega ao 79% e que semella gardar unha proporción inversa ao poder adquisitivo dos cidadáns de cada país.
Meubook xa ten dispoñibles os dous primeiros títulos dos Libros de Praza & Meubook. Este xoves, na celebración do segundo aniversario do xornal, presentaranse ambos volumes coa presenza dos seus autores, David Reinero e Héctor Juanatey.