Compromiso por Galicia celebra xa tamén os seus actos polo Día Nacional de Galicia cunha ofrenda floral no Panteón de Galegos Ilustres.
![](https://praza.gal/media/cache/live_image/xornal/uploads/falase/foto/53d2201fb0541-cxg1.jpg)
Compromiso por Galicia celebra xa tamén os seus actos polo Día Nacional de Galicia cunha ofrenda floral no Panteón de Galegos Ilustres.
Arranca a manifestación do Bloque polo Día da Patria en Compostela. Berros de "Galiza ceive, poder popular" e "Palestina vencerá" nun ambiente festivo con gaitas e batucada.
O rei Felipe VI reivindica unha España "unida e diversa" na ofrenda ao Apóstolo que realiza esta mañá en Compostela e na que lembrou as vítimas da traxedia de Angrois.
O Deportivo celebra o Día de Galicia estreando a súa camiseta coa bandeira do país nun amigable en Colombia. O equipo coruñés caeu 3-1 ante o Deportivo Cali.
As organizacións xuvenís independentistas percorreron onte as rúas de Compostela reclamando soberanía para Galicia. Máis dun milleiro de mozos manifestáronse na véspera do Día da Patria. Imaxe: @galizanova.
Os conselleiros executivos do Ibex-35 cobran 70 veces máis que os seus traballadores. O salario medio dos empregados é de 36.483 euros anuais, fronte aos 2,53 millóns dos directivos.
Emocionada lembranza ás vítimas de Angrois un ano despois da catástrofe. "Queremos luz nesta escuridade", reclamaron familiares dos falecidos e feridos naquel tráxico accidente.
A partir das 22 horas, o Festigal será escenario das actuacións de A Quenlla, Ses, Nao e Festicultores Troupe.
Vén de comezar en Compostela o Foro pola Quebra Democrática e o Dereito a Decidir que organiza AGE. Participan Xosé Manuel Beiras, Alberto Garzón (Izquierda Plural), Eduard Calvo (CUP), Ander Rodríguez (EH-Bildu) e Gerardo Pisarello (Guanyem). Máis información, en Praza.
Un recurso xudicial de Abanca dispara as alarmas entre os preferentistas. A entidade recorre unha sentenza que lle daba a razón a unha compostelá á que lle debían devolver 80.000 euros. As plataformas ameazan con novas mobilizacións.