Esta tarde preséntase en Santiago a plataforma Stop Desafiuzamentos Compostela
Fálase
#Chacón é trending topic nestes momentos, #Rubalcaba non
Madrilonia publica unha visión crítica coa xestión e "testamento político" de Zapatero, que en maior (Chacón) ou menor (Rubalcaba) medida, se reivindicou esta mañá no Congreso do PSOE. Podes lelo aquí.
O ambiente, a conversa colectiva en twitter e o 'aplausómetro' no Congreso indican unha certa vantaxe en favor de Carme Chacón, pero haberá que agardar.
Chacón finaliza o seu discurso. Comezan as votacións, que durarán entre unha hora e unha hora e media. Os resultados coñeceránse, anuncia Griñán, entre as tres e as tres e media
Os discursos de Rubalcaba e Chacón espertan o escepticismo de moitos tuiteiros e tuiteiras
Chacón defende a continuidade das deputacións provinciais e recibe os aplausos máis tímidos da súa intervención.
Chacón critica agora "a prepotencia da dereita alemá", á que culpa da "crise do proxecto europeo". ""Europa é un espazo onde un dá ordes (Merkel) e os demáis obedecemos"
Carme Chacón lanza agora mensaxes ao 15M e á esquerda, tanto na reforma dos mecanismos de representación e participación (ILP, escano 351...) coma no control dos mercados e a especulación inmobiliaria, coma na laicidade do Estado. Fai tamén unha referencia -moi breve- á diversidade do Estado e ao seu carácter plurinacional.
Chacón reivindica a Zapatero, que non está presente hoxe no Congreso. Pódese seguir en directo a súa intervención aquí