A Xunta segue sen dar prazos ou solucións para o desdobramento da Autovía do Morrazo, con alta sinistralidade. A Consellería de Medio Ambiente, Territorio e Infraestruturas insiste en que están repasando os pregos do concurso para que poidan optar máis firmas.
O Comité de Empresa de Alcoa asegura que a empresa ameaza aos traballadores con presentar un ERE de extinción baixo o pretexto de que "coa nova reforma laboral" non teñen "nin que negocialo" cos sindicatos. Alcoa non dá ningunha garantía de futuro para os centros de Avilés e A Coruña mentres non teñan asegurado o suministro de enerxía a un prezo competitivo a medio e longo prazo.
O PSOE ameaza con recorrer a reforma laboral ante o Tribunal Constitucional se non se modifican dous artigos: a posibilidade de despedir nun período de proba de ata un ano e a rebaixa salarial.
O deputado do BNG Henrique Viéitez pide á Xunta de Galicia que "actúe" fronte ao recorte anunciado por Alcoa na factoría que ten en Galicia. Para o nacionalista estes plans "teñen como obxectivo final a deslocalización".
Xa hai nota oficial do diario Público sobre o peche da súa edición en papel.
O portal especializado en medios de comunicación PR Noticias publica un adianto do peche do diario Público. Só unha pequena parte dos 160 traballadores da cabeceira poderán continuar na edición online. Este domingo se publicará o último número. En PR
Tweet de Ignacio Escolar sobre o peche de Público, anunciado este mediodía pola administración concursal aos traballadores.
Os traballadores de Público confirman o peche da cabeceira nas redes sociais. Aínda non hai nota oficial por parte da administración concursal ou a empresa.
El Mundo afirma que Público pecha a súa edición impresa. Aínda non hai confirmación oficial.
Portugal tamén financia empresas privadas de colocación para os desempregados. A reforma laboral española faculta ás ETTs a que actúen como centros que poden suplir o traballo dos servizos públicos de emprego. O Goberno luso tamén aposta pola privatización. En Público