A candidata de AGEe ás europeas, Lidia Senra, chama nun mitin en Ferrol a protexer Navantia "da privatización" polo carácter "estratéxico" que o naval ten para o país.
![](https://praza.gal/media/cache/live_image/xornal/uploads/falase/foto/537c3b526b901-lidiaferrol3_2710x1795.jpg)
A candidata de AGEe ás europeas, Lidia Senra, chama nun mitin en Ferrol a protexer Navantia "da privatización" polo carácter "estratéxico" que o naval ten para o país.
A Xunta Electoral exclúe o BNG dos informativos da TVG e da Radio Galega tras admitir a a reclamación de UPyD. Os nacionalistas, que quedan sen os 27 segundos que lles outorgaran, convocan unha protesta para as 12 desta mañá na compostelá Praza do Obradoiro e anuncian accións legais. Toda a información, hoxe en Praza.
Dimite o cónsul español en Londres tras acoller na súa residencia o ex presidente de Caja Madrid, Miguel Blesa. En El Diario.
Vixilancia Aduaneira atopou unha denuncia contra o ex alcalde de Santiago, Xosé Sánchez Bugallo, na casa de Conde Roa. Cóntao Faro de Vigo.
A xuíza investiga as facturas supostamente inchadas por Paula Prado e Aduanas acusa varios cargos locais de aceptar viaxes pagados por Aquagest. Son revelacións incluídas na nova parte do sumario da Pokémon sobre a que xa non pesa o segredo. En El País.
Tres mulleres interrompen o mitin de Cañete en Castro de Rei ao berro de “machista”, segundo destaca El País. No acto, o candidato popular bromeou sobre as "longas noites de negociación" da Política Agraria Común coa conselleira Rosa Quintana: "Imos facer unha foto para que a miña muller crea que estou aquí, porque son as seis da mañá", dixo.
Feijóo pide o voto para Cañete en Andalucía e subliña a "importancia" de que "un andaluz forme parte do Goberno de Europa".
A pesar da reforma legal que limita a aplicación da xustiza universal, o xuíz Santiago Pedraz négase a arquivar a causa na que investiga o xenocidio da poboación maia provocado polo exército de Guatemala entre 1978 e 1984
A Coruña acolle esta fin de semana a quinta edición de ExpOtaku, o evento dedicado aos comics e á animación xaponesas, con actividades de todo tipo, ligadas tamén aos videoxogos, á gastronomía xaponesa e aos xogos de mesa.
A Deputación de Lugo destaca que en 2013, grazas á administración electrónica, reduciu en 50.000 euros ao ano os gastos correntes, e eleva a 4,6 millóns de euros o aforro acadado dende 2009 coa implantación das novas tecnoloxías