Jordi Pujol recibe unha notificación da Axencia Tributaria para chamalo a declarar. Dous funcionarios fóronlle entregar o documento en man a Queralbs.
Fálase
Este venres deu comezo en Vigo unha nova edición de Arnette O’Marisquiño, un evento que ao longo da fin de semana atraerá á cidade olívica máis de 100.000 visitantes. Até o domingo poderase seguir o desenvolvemento dunha proba da World Cup Skateboarding, ademais doutras competicións de BMX, breakdance, exhibicións de graffiti e unha completa axenda de concertos.
Novas concentracións en varias cidades galegas protestaron contra os ataques do exército israelí contra a poboación de Gaza. Na imaxe, o acto de Vigo.
A OMS eleva o nivel de alerta e declara o ébola emerxencia pública sanitaria de alcance internacional. A decisión implica a posta en marcha de medidas excepcionais para deter a súa transmisión
Ao redor de 40 persoas, convocadas por Stop Desafiuzamentos, concentráronse este xoves en Cambre ante unha sucursal do Banco Santander para sinalar o "acoso" ao que -denuncian- esta entidade está a someter a unha veciña deste concello que non pode facer fronte a unha mensualidade da súa hipoteca.
A Xunta nomea os seus tres representantes no Padroado da Fundación Galicia Obra Social: o escritor Xosé Carlos Caneiro, o interventor Jesús Santiago Vázquez e a funcionaria da administración MªJesús Budiño
A Xunta di que aposta por atención "de calidade" aos dependentes e non por "paguitas" ás súas familias.
Un manifesto asinado por máis de 1.200 docentes e investigadores e investigadoras universitarias españolas pide romper as relacións académicas con Israel
Sindicatos e partidos da oposición apelan ás excepcións contempladas no Tratado de Funcionamiento da UE para zonas en situación de subemprego como vía para salvar o proxecto de dique flotante para a ría de Ferrol.
A facturación do comercio electrónico creceu un 13,4% no último ano en España, e un de cada tres persoas mercaron a través da rede no último ano. Porén, a desconfianza ante os métodos de pago en liña segue a constituír un freo para o desenvolvemento do ecommerce.