A Xunta fai públicos os novos Estatutos da Axencia Galega das Industrias Culturais, que integra o Consorcio Audiovisual. O Centro Dramático Galego e o Centro Coreográfico Galego pasan a ser os departamentos de Produción Teatral e Coreográfica da Agadic, e os estatutos prevén a "designación de novas persoas titulares de ditos departamentos". Podedes consultar o texto íntegro aquí.
Toxo non descarta unha folga xeral e reclama unha mobilización global porque a gravidade dos recortes "desborda" os sindicatos. "A carga de mobilización non pode caer só nos sindicatos, ten que caer no conxunto da sociedade", asegura nunha entrevista en RNE.
A suba do IVE frustra as expectativas de abaratar os libros electrónicos. Cóntao La Información.
O presidente da Generalitat, Artur Mas, admite que existe risco de que Catalunya sexa intervida polo Estado a causa da súa situación económica. En Ara.
A Consellería de Medio Ambiente veta unha mina en Rede Natura que impulsaba a Consellería de Industria e que procedía do Goberno de Fraga. Cóntao El País.
Os recortes seguen a protagonizar as portadas dos diarios impresos. Este luns comparten espazo as protestas do persoal público, a pasada noite en Madrid, e os primeiros efectos colaterais, como o control das contas autonómicas por parte do Estado.
A esta hora unha protesta contra os recortes percorre o centro de Madrid entre unha fortísima presenza policial (foto: @hectorjuanatey)
Desde hoxe a Comunidade de Madrid aplica a liberalización total dos horarios comerciais. O Goberno central vai estender a todo o Estado esta medida, rexeitada polo pequeno comercio. Cóntao a Cadena SER.
A candidata de EH-Bildu á lehendakaritza, Laura Mintegi, explica nunha entrevista en El País as liñas básicas do seu proxecto. Entre outros aspectos, coida que "a independencia é a única forma de sobrevivir ante a crise" e subliña que "non está ben agredir a ninguén por nada".
Guillerme Vázquez "convida" a "todas as galegas e os galegos" a participar nos actos que o BNG celebrará co gallo do día da Patria. Durante un xantar en Cuntis o portavoz nacional do Bloque animou a empregar o 25 de xullo para "rexeitar con clareza a política inmoral, inxusta e inútil" do PP e para apostar por un "cambio radical" fronte á política de recortes.
