Fálase

#CMin O Colexio Profesional de Xornalistas de Galicia expresa o seu "absoluto rexeitamento" ás novas condicións para as televisións autonómicas aprobadas polo Goberno central e defende unha CRTVG "pública". Na web do CPXG

#CMin O Consello de Ministros autorizou tamén a formalización de sete contratos para catro treitos do AVE a Galicia. A vicepresidenta non os anunciou na súa intervención ante os medios. O Goberno central detállaos aquí.

O Goberno central aproba dous Reais Decretos para imputar a José Ramón Ramírez e Miguel Ángel Sáez, inhabilitados por seren considerados cómplices dun delito de falsidade en documento oficial no caso do accidente do Yak-42, durante o Goberno de Aznar Soraya Sáenz de Santamaría non o mencionou durante a súa rolda de prensa.

UGT e CC.OO. chaman a protestar "contra o estado de emerxencia". Convocan manifestacións baixo o lema Coa sanidade e a educación non se xoga o domingo 29 de abril en toda España, xusto un mes despois da folga xeral. 

Esta semana presentouse o Instituto de Estudos Irienses, con sede en Herbón, co obxectivo de "divulgar a cultura e ó patrimonio natural, histórico, artístico, arquitectónico, etnográfico, lingüístico da Terra de Iria", segundo afirmou Anxo Angueira na súa presentación. O IEI abrangue os concellos de Padrón, Rois, Dodro, Pontecesures e Catoira e toma como referencia entidades coma o Instituto de Estudos Miñoranos.

Linus Torvalds, creador do sistema operativo Linux, obtén o Nóbel de Tecnoloxía, que cada dous anos entrega a Academia Finlandesa.

O alcalde popular de Tres Cantos (Madrid) sobe o soldo 18 mil euros e cobrará máis ca un ministro. Os concelleiros tamén incrementaron a súa retribución entre un 15 e un 31 por cento.

Encadearse cos brazos será considerado "atentado contra a autoridade" coa reforma do Código Penal. Segundo Ignacio Ulloa, secretario de Estado de Seguridade, será igual que "agredir" un axente, aínda que terá unha pena inferior

A AELG pide que a nova estación de tren de Ourense se chame Curros Enríquez e que nela figuren as estrofas daquel poema co que o escritor saudaba a chegada da modernidade. A Asociación de Escritores en Lingua Galega vén de iniciar a recollida de adhesións.

#CMin Soraya Sáenz de Santamaría anuncia que Televisión Española volve por decreto á lei do ano 2006. O Goberno central poderá elixir os órganos de dirección da televisión pública sen pactar con ningunha outra forza política grazas á súa maioría absoluta. A vicepresidenta xustifícao na necesidade de "desbloquear" o ente.