O eurodeputado Ernest Urtasun explica que para consultar os documentos do tratado de libre comercio que negocian a UE e os Estados Unidos lle quitaron "todo", mesmo papel e bolígrafo, para que non puidese difundir a información. Cóntao nunha entrevista en Eldiario.es
A Xunta di que cumprirá nunha semana o acordo para amosar o contrato do vídeo de Enrique Iglesias, como aprobou o Parlamento a instancias do BNG. Recólleo Faro de Vigo
Sobreviventes á matanza na Universidade de Garissa lamentan que "isto non vaia ter repercusión porque non mataron ningún branco". Segue a contalo GuinGuinBali a través de Desalambre en Eldiario.es
O CD Lugo logra unha valiosa vitoria ante o Mallorca por un contundente 4-0 no Ángel Carro, onde leva gañando cinco partidos consecutivos.
Ciudadanos ve "inviable" que a sanidade pública atenda as persoas migrantes sen permiso de residencia en regra. O Goberno central anunciou que valora devolver parcialmente este dereito tras recortalo en 2012.
Seguen a aparecer mozas e mozos feridos e en shock que sobreviviron ao ataque á Universidade de Garissa, en Quenia, onde foron asasinadas 147 persoas e feridas unhas 70. Está a contalo GuinGuinBali, medio especializado en información de África Occidental, a través do espazo Desalambre de Eldiario.es
O BNG lograría a maioría absoluta en Carballo ao gañar 5 puntos e dous edís, segundo unha enquisa elaborada por Sondaxe que recolle Electograph
A Xunta dá por extinguido o incendio que queimou 33 hectáreas en Ourol
A Xunta envía unha carta a Audasa para que se prepare para os atascos do verán. As advertencias do Goberno galego á concesionaria da AP-9 durante o pasado verán foron ignoradas
A xuíza investiga se o entramado que lle atribúe a Monbús amañou o concurso para o catamarán do río Sil. Cóntao El País Galicia