A Asociación Galega para a Defensa da Sanidade Pública esixe unha rectificación "inmediata" ao Valedor do Pobo logo de que este defendese os recortes como "xustos, imprescindibles e innecesarios" e suspender a Lei de Dependencia.
Fálase
A participación descende catro puntos nas eleccións francesas. Os primeiros datos desta segunda volta falan dun 30,66% ao mediodía, fronte ao 34,11% de 2007.
O líder de Nuevas Generaciones en Cataluña e deputado, José Antonio Coto, asegura que os mozos socialistas conciben a universidade "como unha macrofesta do cannabis" e que fan "folgas silvestres" e contraponos aos do PP "que se erguen cada mañá ao sonar o derpertador". Podesdes escoitalo aquí.
Bruxelas dirá o vindeiro venres se os axustes anunciados polo Goberno de Rajoy son suficientes para cumprir o compromiso de redución do déficit público. A Comisión publicará ese mesmo día as súas previsións económicas, nas que rebaixará as cifras de crecemento de España.
A Defensora do Espectador de RTVE recibe "un gran continxente" de cartas "en contra da volta das touradas" á televisión pública, segundo se desprendo do último informe sobre o Código de Protección da Infancia e da Mocidade.
O BNG lanzará o seu candidato nunha convención na próxima fin de semana na que se presentará "en disposición de disputarlle o partido ao PP" e como "única alternativa ás políticas de dereita".
David Cameron podería dimitir como líder do Partido Conservador. O primeiro ministro do Reino Unido pretende así evitar que os tories sufran unha nova desfeita electoral nos vindeiros comicios, segundo revelou unha deputada conservadora e tras os malos resultados das eleccións municipais.
Catro ex directivos da caixa galega cobrarán 33 millóns máis ao cumprir 65 anos, ademais das indemnizacións xa percibidas. José Luis Pego, Javier García de Paredes, Óscar Rodríguez Estrada e Gregorio Gorriarán serán os beneficiados, segundo informa hoxe El País.
A Comisión Europea abre a porta a suavizar o cumprimento do déficit. O vicepresidente, Olli Rehen, avoga por "un pacto europeo polos investimentos" para impulsar o crecemento na Unión.
Gallardón asegura que os recortes "non son suficientes". O ministro de Xustiza asegura que o axuste impulsado polo Goberno do PP "non son o principio do fin" porque "aínda non so suficientes", pero si "imprescindibles".